Воспалението на слепо црево најчесто се јавува токму во детскиот период. Станува збор за заостанување на храна во малиот дел на цревата ( црвовиден израсток чиј лумен е поврзан со почетниот дел на дебелото црево) кој го напаѓаат бактерии. По дијагнозата на воспаление на слепото црево, овој дел од цревото мора оперативно да се отстрани. Доколку лекарите не се сигурни во дијагнозата, на детето му се прави крвна слика, како и ултразвук на стомакот. Понекогаш, болките во стомакот може да бидат и последица и од други потешкотии, како опстипација, воспаление на сревата или на лимфните јазли на стомакот.
Покрај болки на десната страна во долниот дел на стомакот, типични се и следниве симптоми:
- Мачнина и повраќање
- Зголемена телесна температура. При тоа, температурата мерена под пазуви заостанува со онаа мерена во газе, за еден степен Целзиусов.
- Ако се обидете лесно да притиснете на лево од папокот во долниот дел на стомакот, болката, штом ја тргнете раката и попушти притисокот, се јавува на десната страна на стомакот. Понекогаш, болката се јавува и во грбот или над карличната коска.
- Постојано присутна болка која не се повлекува и по празнење или по промена на положбата на телото.
- Зачестено мокрење, пролив или опстипација
