БЕБЕШКИ РАЗВОЈ: Бесот е карактеристика на 22. месец

Децата на оваа возраст имаат идеи за тоа што сакаат да направат и ќе се потрудат да ја направат таа работа, онака како што сакаат да испадне. Зависно од резултатот ќе бидат или среќни и тоа ќе го кажат на секого или лути, па тоа сите ќе го знаат.

Дете со наполнети 22 месеца знае точно што сака да направи и ќе биде многу задоволно ако го постигне саканиот резултат. Допрва ќе учи да управува со своите чувства, што е истовремени возбудливо, но и фрустрирачко.

Што сега прави?

Со 22 месеца, детето има силна волја и може да се однесува деструктивно, но тоа е само фаза. Во овој период може да почнете да го учите да врши нужда во нокшир, ако сметате дека е подготвено.

Децата на оваа возраст имаат идеи за тоа што сакаат да направат и ќе се потрудат да ја направат таа работа, онака како што сакаат да испадне. Зависно од резултатот ќе бидат или среќни и тоа ќе го кажат на секого или лути, па тоа сите ќе го знаат.

Посесивноста и срамежливоста се исто така одлика на 22. месец. Особено, срамежливоста. Не се чудете ако вашето дете во овој период од растењето се крие зад вашите нозе кога ќе сретнете некој сосед или ваш пријател на кој не се сеќава.

Одбивањето за легнување во кревет е реалност и битка која треба допрва да ја добиете. Сонот им е попотребен, отколку што тие би сакале да е.


Како комуницира?

Детето на оваа возраст може да знае околу 70. зборови и да објасни некои работи. Тоа ќе ви прераскажува случувања по сеќавање, но и ќе се присетува на средби со нему блиску луѓе.

Како може да помогнете?

Бидете многу трпеливи и обидете се да не се лутите поради неговите испади на бес. Наместо тоа, пофалете го кога ќе каже некој нов збор или кога ќе почне да користи нокшир. Спиењето, особено попладневното може да стане вистинска борба. Не попуштајте, бидејќи на оваа возраст и тоа како му е потребен сон на детето.