Развојот на дигестивните органи продолжува, а на јазикот на бебето се развиваат и сетилата за вкус. Од цревата на бебето може да се ресорбираат вода и шеќер, постои перисталтика, но бебето се уште не го празни дебелото црево.
Црвените крвни зрнца на бебето – еритроцити почнуваат да се развиваат од црниот дроб, а полека почнуваат да се развиваат и белите крвни зрнца – леукоцити.
Бебето е долго од 25-28 сантиметри, а тешко околу 350-390 грама.
Второто тромесечје од бременоста е период кога малку повеќе се добива на телесна тежина. Дури во второто тромесечје од бременоста растат калориските потреби на трудницата – за некои 200 до 300 калории на ден и тоа поради засилената функција на штитната жлезда и порастот на базалниот метаболизам. Обрнете внимание не само колку, туку и што јадете.
Доколку за време на бременоста, жената дојде во контакт со заболен од морбили, рубеола или варичела, а не е познато дали таа ги прележала наведените болести, потребно е да се контролира нивото на антитела во крвта и да се утврди имунолошкиот статус.
