Без разлика каква боја на очи бебето ќе има подоцна, за време на интраутериниот живот и во текот на првите месеци, очите се најчесто сина боја. Очите кај бебето сега се во целост развиени, и ги имаат сите слоеви и бебето ги отвора. Сега веќе се формирани и трепките и веѓите, кои ќе растат се до породувањето. Бебето се уште е слабо, па така и кожата се уште е набрчкана и црвена, бидејчи се проѕираат крвни садови од поткожниот слој.
Бебето е долго околу 35 сантиметри и тешко 700-800 грама.
Со напредувањето на бременоста и зголемувањето на телесната тежина, се зголемува и бројот на проблеми кои ги мачат труднците. Повремено се јавуваат главоболки, несоница или грчеви во нозете. Размислете за начинот на исхрана, водете сметка за својата телесна тежина и внесот на магнезиум.
Клинички, недостатокот на магнезиум најчесто се манифестира со грчеви во листовите, а во случај на поголем недостаток може да се појават и предвремени контракции. Препорачаната доза мегнезиум е околу 300мг на ден.
Статистичките податоци покажуваат дека за време на репродукцискиот период на жената, околу 20-40% од нив се среќаваат со инфекција на вирусот на херпес. Во бременоста тој процент е често и поголем.
Проблемот со генитален херпес во бременоста е веројатноста за пренос на неговиот причинител на новороденчето за време на породувањето. Доколку се работи за нова инфекција, која прв пат настанала за време на бременоста, ризикот за пренос на вирусот на херпес на новороденчето изнесува 40-60%. Во ваков случај се планира породување со царски рез. Доколку станува збор за секундарна инфекција, ризикот на пренос на новороденчето изнесува 10%.
