Бебето продолжува да добива на телесна тежина. Сега тежи околу 1.200 грана, а долго е околу 38 сантиметри. Мускулите се развиваат, а внатрешните органи и натаму растат. Мозокот сега може да го контролира дишењето. Соодветното внесување на протеини, витамин Ц, фолна киселина и железо во овој период е многу значајно за бебешкиот нормален развој. Овој триместар бебето користи околу 250мг калциум дневно за јакнење на коските.
Бебето станува се поактивно. Веќе нема многу простор за игра, но сепак успева да ве клоца. Во овој период сигурно сте потешки за 10 до 12 килограми, а вашето тело користи интересни начни да на бебето му обезбеди уште малку простор за раст – градниот кош се шири за неколку сантиметри, а со тоа и вашите бели дробови добиваат повеќе простор.
Жиговината и запекот повторно може да станат главен проблем. Хормонот на бременоста – прогестерон ги опушта мазните мускулни ткива во телото, вклучувајќи го и гастроинтестиналниот тракт, што го забавува варењето. Јадете храна богата со влакна, пијте доволно вода и правете некои основни вежби.
Хемородите се отечени крвни садови во ректалниот дел и се многу чести за време на бременоста. Може сега да се појават, но и да исчезнат по завршување на бременоста. Разговарајте со вашиот лекар за евентуално земање на некои лекови, и информирајте го доколку дојде до ректално крварење. Избегнувајте долго стоење и седење.
Некои жени добиваат таканаречен синдром на низок крвен притисок поради лежење за време на бременоста. Можеби ќе забележите дека се чувствувате зашеметено доколку пребрзо станете. За да избегнете вртоглавици, лежете на страна наместо на грб, и полека префрлувајте се од лежечка положба во седечка, а потоа и во исправена.
