Оваа недела, бебето е тешко од 1600 до 1800 грама, а долго околу 41 сантиметар. Сега завзема многу место во матката. Кожата на бебето има розева боја, мазна е и мека, а наборите целосно се исчезнати. Рацњете и нозете се дебелки, има нокти на прстите и на рацете, и на нозете. Функцијата на белите дробови е воспоставена и ако сега се роди бебето, единствен проблем може да претставува малата родилна тежина.
Во овој период водете сметка за исхраната. Вашата прекумерна тежина може да доведе и до компликации, како што се раѓање на преголемо или премало бебе. Јадете почесто, но помала количина, а на тој начин ќе ја ублажите и жиговината. Оваа недела ќе се здебелите околу 500 грама, а половина од тоа ќе “отиде“ на бебето.
Бебето расте, матката сега врши притисок близу дијафрагмата, па може да почувствувате недостаток на здив. Ставете перница при спиење – може да ви помогне.
Најверојатно забележувате дека рацете, нозете и стапалата ви се отечени. Доколку се случи да ви отече и горниот дел од телото и лицето, веднаш појдете на лекар.
Поради растот на матката и хормоналните промени, повторно се јавува и болка во долниот дел на грбот. Матката која се развива, го поместува центарот на гравитација, се чири и ги слабее стомачните мсукули, ја менува положбата и го оптоварува грбот. Ако болката се јави одненадеж, кажете му на вашиот гинеколог, бидејќи тоа може да е знак за предвремено породување.
