Повеќето родители сакаат нивните деца да имаат среќно детство, а кога ќе пораснат да најдат одлична работа и да основаат семејство. Овие цели може да изгледаат напорни или нереални за некого, што е во ред. Но, добро е да се има соништа. Проблемот настанува кога помалку важните цели го насочуваат родителството, наместо на она што е навистина важно.
Значи, што е навистина важно во родителството?
Терапевтот Ели Харвуд тврди дека постои само една цел што мајките и татковците треба да си ја постават за своето родителство – да развијат сигурна приврзаност меѓу нив и децата. Таа вели дека нејзината цел не е да им пружи на децата совршено детство.
Исто така, не очекува дека дома секогаш ќе има виножита и цвеќиња. Нејзината цел е многу поедноставна од тоа: да обезбеди дека нејзините деца се безбедно приврзани.
Најдобар начин родителите да знаат дали развиле сигурна поврзаност со своите деца е да го набљудуваат нивното однесување
„Мојата цел е моите деца да мислат и да знаат: „Мајка ми навистина се грижи за мене. Таа се грижи за тоа како се чувствувам, што ми треба и ќе вложи труд да ги препознае и признае своите грешки кога ќе се појават“, појаснува Харвуд.
Но, не е лесно да се дојде до тој момент. Сите грешиме, но тоа е дел од пораката на Харвуд: не мора да бидеме совршени.
Сè додека родителите ги прават овие работи, можат да бидат сигурни дека даваат се од себе за своите деца. Сепак, најдобриот начин да се знае дали развиле сигурна приврзаност е да го набљудуваат однесувањето на нивните деца. Поточно, како реагираат кога се исплашени.
Харвуд објаснува: „Она што сакате да го видите е дека децата ве бараат кога се исплашени затоа што знаат дека вашиот одговор ќе биде смирувачки“.
Меѓутоа, важно е да не паничите ако децата не одговараат на овој опис. „Ова ќе биде многу различно во зависност од детето, бидејќи има деца кои се навистина опуштени и животот не ги вознемирува премногу. Значи, можете да се фокусирате на тоа дали вашите деца веруваат дека ќе бидете тука за нив кога ќе им биде тешко“, додава таа.
Ако е така, тогаш родителите веројатно имаат сигурна приврзаност кон своите деца.
Ако не, терапевтот споделува четири клучни начини за градење сигурна приврзаност со децата.
- Радувајте се на присуството на вашите деца: „Децата мораат да знаат дека ги сакаме во просторијата, дека мислиме дека се прекрасни и дека е чест да се биде нивен родител и да се биде близок со нив“, вели Харвуд.
- Бидете до нив: „Како родители треба да се појавиме во нивните чувствителни и триумфални моменти“, тврди терапевтот.
- Слушајте ги: Харвуд советува: „Преместете некои од вашите цели од „правење совршен ручек“ на внимателно слушање на нивните приказни“.
- Поправете ги работите кога ќе тргнат наопаку: „Ние сме одговорни за процесот на исправување на работите. А со тоа, нашите деца учат да бидат одговорни луѓе кои ги поправаат работите и прават грешки“, заклучува Харвуд.
