Без разлика колку некои жени сакаат да го дојат своето бебе, се случува да не се во можност, додека некои пак сами се одлучуваат дека не сакаат да дојат, и тогаш адаптираното млеко станува храна за бебето. Ова се неколку работи кои треба да ги знаете ако вашето бебе е на млечна формула.
Не можете да користите обична вода за подготовка
Лекарите препорачуваат вода која има нисно ниво на флуор, дестилирана или прочистена вода со која се меша формулата. Редовното мешање на млечниот прав и вода која во себе има флуор може да го зголеми ризикот од појава на линии на забите кај детето. Флашираната вода може да содржи висок процент на натриум, калциум или други минерали, кои може да му наштетат на детето. Која вода е најдобтра за бебето, треба да го прашате својот педијатар.
Адаптираното млеко не се дигестира со иста брзина како мајчиното млеко
Сурутка и казеин се млечни протеини кои се присутни во млекото, без разлика дали се работи за адаптирано или мајчино млеко. Сурутката полесно се вари од казеинот, а мајчиното млеко содржи повеќе сурутка. Од друга страна, адаптираното млеко содржи повеќе казеин од сурутка.
Може да влијае на детската дигестија
Вообичаено е бебе кое се храни со адаптирано млеко да има запек или столицата да му е со потемна боја, и да има поинтензивен мирис во споредба со дете кое се дои.
Може да влијае на забите
Поради тоа што многу адаптирани млека содржат шеќер, родителите треба редовно да ги чистат забите и јазикот на детето, за да спречат кариес.
