Д-р Елена Петрова: Силна главоболка, промени во видот и намалено мокрење кај трудницата – знаци на прееклампсија

Иако точната причина за прееклампсијата не е позната, повеќето автори се согласуваат дека таа е поврзана со постелката, па ако постои, тогаш се смета дека е мултидисциплинарна болест. Оттука и начинот за превенција на прееклампсијата не е дефинитивен. Се препорачува внесување помалку сол и менување на дневните активности во текот на бременоста за да се намали ризикот

Доколку прееклампсијата се открие рано, гинекологот ќе има можност да ги спречи компликациите: Д-р Елена Петрова, гинеколог
ПИШУВА:
Д-р Елена Петрова,
гинеколог

 ♦♦♦♦♦♦♦

Покачен крвен притисок во тек на бременоста (1)

Прееклампсијата е чест проблем во текот на бременоста. Оваа состојба (некогаш се означува како покачен притисок предизвикан од бременоста) се карактеризира со покачен притисок и со присуство на протеини во урината по 20-та недела на бременоста.

Прееклампсијата често доведува само до умерено покачување на притисокот. Доколку не се третира соодветно, може да доведе до сериозни, дури и фатални компликации по мајката и бебето.

ПОРОДУВАЊЕ Доколку оваа состојба се развие кон крајот на бременоста, породувањето е најсигурно решение

Редовни контроли – можност за рано откривање на прееклампсија

Иако точната причина за прееклампсијата не е позната, повеќето автори се согласуваат дека таа е поврзана со постелката, па ако постои, тогаш се смета дека е мултидисциплинарна болест. Оттука и начинот за превенција на прееклампсијата не е дефинитивен. Се препорачува внесување помалку сол и менување на дневните активности во текот на бременоста за да се намали ризикот.

Доколку не се третира соодветно прееклампсијата може да доведе до сериозни, дури и фатални компликации по мајката и бебето

Најдобриот начин да се погрижите за вас и вашето бебе е да одите на редовни контроли во текот на бременоста. Доколку прееклампсијата се открие рано, гинекологот ќе има можност да ги спречи компликациите. Генерално е познато дека жените кои одржуваат нормална телесна тежина пред и во текот на бременоста, имаат за повеќе од 70 отсто помал ризик.

РЕДОВНИ КОНТРОЛИ Најдобриот начин да се погрижите за вас и вашето бебе е да одите на редовни контроли во текот на бременоста
Породувањето на мајката е единствен излез од прееклампсијата

Единствен излез од прееклампсијата е породувањето на мајката. Доколку оваа состојба се развие кон крајот на бременоста, породувањето е најсигурно решение. Доколку прееклампсијата се дијагностицира во пораната бременост, гинекологот и мајката се соочуваат со деликатна задача да се продолжи бременоста и со тоа да му се овозможи на бебето да созрее, а притоа мајката и бебето да не се изложат на ризик од сериозни компликации.

Хипертензија и протеинурија по 20-та недела на бременоста – знаци за прееклампсија

Знаци за прееклампсија се покачување на крвниот притисок (хипертензија) и присуство на протеини во урината (протеинурија) по 20-та недела на бременоста. Губењето на протеините е поврзано со проблем во бубрезите. Гинекологот вообичаено ги открива овие симптоми во текот на редовните пренатални прегледи.

Појавата на отоци (едеми), особено на лицето и на рацете, е честа појава при прееклампсијата. Сепак, натекувањето не се смета за сигурен знак за оваа состојба, бидејќи исто се појавува и во многу нормални бремености

Отекувањето не се смета за сигурен знак за оваа состојба, бидејќи исто се појавува и во многу нормални бремености
Други знаци и симптоми на прееклампсија може да се развијат постапно или да се појават ненадејно и вклучуваат:
  • Силна главоболка
  • Промени во видот, вклучувајќи и привремено губење на видот, заматен вид или пречувствителност на светлина
  • Болка во горниот дел од стомакот, често под десниот ребрен лак
  • Гадење и повраќање
  • Вртоглавица
  • Намалено мокрење
  • Брзо зголемување на тежината, типично повеќе од еден килограм неделно
  • Појавата на отоци (едеми), особено на лицето и на рацете, е честа појава при прееклампсијата. Сепак, натекувањето не се смета за сигурен знак за оваа состојба, бидејќи исто се појавува и во многу нормални бремености.

 

  • Во наредното продолжение:
    Д-р Елена Петрова
    : Други причини за покачен притисок во бременоста, фактори на ризик и кога да се побара медицинска помош)