Белградскиот хирург ги предупреди младите да се придржуваат кон мерките за заштита од коронавирус затоа што вирусот е далеку поопасен и посмртоносен отколку што се сметаше претходно
♦♦♦♦♦♦♦
Д-р Миљко Ристиќ, хирург на Институтот за кардиоваскуларни болести „Дедиње“, во утринската програма на ТВ Пинк, уште еднаш апелираше до младите луѓе да водат сметка за заштита, затоа што сега има најмногу од нив меѓу новозаразените.
Тој исто така истакна дека не се знае многу за вирусот, дека секојдневно добиваат информации, но дека едно е сигурно: COVID-19 го уништува организмот со голема брзина, дури и кај здрави пациенти!
Младите да се свестат и придржуваат кон мерките за заштита од коронавирус
„СЗО не препорачува да се прават обдукции врз пациенти кои починале од COVID-19, поради големиот ризик од зараза. Во Кина, тоа е направено дури после 1.200 смртни случаи. Србија има либерален став на оваа тема и кај нас се извршени обдукции над 19 починати од COVID-19, a НАОДИТЕ СЕ ФРАПАНТНИ. Потполна некроза на белодробните крила која не може да се поправи со ништо, пациентите умираат за 48 часа, тоа не е обична пневмонија која се лекува со антибиотици. Умираат и кога немаат никакви придружни заболувања. Тоа мора младите да го сфатат. Кај најголем број на млади кои починале, смртта настапила во рок од 24-48 часа“, вели д-р Ристиќ.
„И јавноста треба да го знае ова. Младите мора да го слушнат ова. Тоа не е обично воспаление на белите дробови, тоа е сериозна болест, треба да ги намалат активностите и да се избегнува заразување“, пренесува Мондо.
