Д-р Звезда Спасовска: ДЕТСКАТА КОЖА Е ПОТЕНКА И БРЗО ГОРИ – Додека си играат на плажа децата да бидат скриени под сенка и намачкани со заштитен фактор

Правилната заштита на кожата уште од најмала возраст е од особена важност, бидејќи кожата ги кумулира примените зрачења и нејзините оштетувања можат да доведат до предвремено стареење и малигни промени на истата

Кожата на децата е потенка, а со тоа и поосетлива на УВА и УВБ ултравиолетовите зраци кои полесно продираат во истата: Д-р Звезда Спасовска, специјалист педијатар

ПИШУВА:
Д-р Звезда Спасовска
специјалист педијатар

 ♦

КАКО НАЈБЕЗБЕДНО ДА СИ ИГРАМЕ НА СОНЦЕ?

Летото е дел од годината кој најмногу го сакаат сите, особено малите дечиња, бидејќи им  дозволува да ги прават сите лудории кои им се забранети во текот на ладните денови. Можат да си играат со водата од чешмата во дворот, да се бањаат во базен, да си играат со кал и песок без да се грижат дали се извалкале или не. Сонцето ни ги полни батериите, измамува насмевка на секое лице и со леснотија го поттикнува секој за забава и прошетка.

Алергија од сонце

Но, тоа не е така наивно. Сончевите зраци знаат да бидат причина за многу несакани состојби кај луѓето, особено кај децата. Тука се изгорениците кои можат да бидат површни – пропратени со црвенило, болка и печење и длабоки – со појава на меури таканаречени були, различни промени во пигментацијата на кожата, предвремено стареење, малигноми, сончаница и слично.


За да уживаат дечињата во убавината на сонцето мораме соодветно да ја заштитиме детската кожа. Особено што таа е потенка, а со тоа и поосетлива на УВА и УВБ ултравиолетовите зраци кои полесно продираат во истата.

Пред да се изложи детето на сонце, најмалку 20-30 минути, неопходно е да се нанесе доволна количина на заштитен фактор за сончање најмалку 30+, кај помалите деца и децата со посветол тен 50+. Пожелно е истиот да поседува и УВА и УВБ заштита

Изложување на сонце во периодот од 10 до 17 часот треба да се одбегнува, без оглед дали е сонцето силно или пак е малку заоблачено, бидејќи и тогаш УВА и УВБ зраците се присутни. Пред да се изложи детето на сонце, најмалку 20-30 минути, неопходно е да се нанесе доволна количина на заштитен фактор за сончање најмалку 30+, кај помалите деца и децата со посветол тен 50+. Пожелно е истиот да поседува и УВА и УВБ заштита. Кај дечињата со посветол тен се препорачува да се нанесе факторот и пред спиење за истиот убаво да се впие во кожата и овозможи подобра заштита.

ПОСЛЕДИЦИ Сончевите зраци знаат да бидат причина за многу несакани состојби кај луѓето, особено кај децата. Тука се изгорениците кои можат да бидат површни – пропратени со црвенило, болка и печење и длабоки – со појава на меури таканаречени були, различни промени во пигментацијата на кожата, предвремено стареење, малигноми, сончаница и слично

Многу е битно да се стави доволна количина од факторот, кај помалите околу дваесетина милилитри, а кај поголемите триесет милилитри, распоредено убаво на сите делови на телото, вклучувајќи ги лицето, ушите, вратот, особено грбот, нозете, стапалата. Најдобро е да се користи водоотпорен фактор за сончање и истиот да се нанесува редовно на секои два часа. Кај дечињата со алергиска конституција треба да се одбере заштитен фактор кој содржи цинк оксид.

Изложување на сонце во периодот од 10 до 17 часот треба да се одбегнува, без оглед дали е сонцето силно или пак е малку заоблачено, бидејќи и тогаш УВА и УВБ зраците се присутни

Задолжително дечињата да носат заштитна облека која треба да биде од лесно памучно платно во светла боја. Тука се задолжителни и капчињата кои доволно ги покриваат ушите и задниот дел на вратот, светли лесни маички со ракавчиња, специјални костими за капење со СПФ фактор до 50+ и очила со сертификат за УВ заштита.

ЗАШТИТЕН ФАКТОР Многу е битно да се стави доволна количина од факторот, кај помалите околу дваесетина милилитри, а кај поголемите триесет милилитри, распоредено убаво на сите делови на телото

Додека си играат на плажа да бидат скриени под сенка. Платнените чадори не се доволно ефикасни во заштита, бидејќи преку нив полесно минуваат УВ зраците. Треба да се одбере чадор кој е од подебел материјал или најдобро од трска поставена во неколку слоеви. Да не заборавиме дека зраците се одбиваат и од песокот и други предмети, така и под сенка децата треба да бидат намачкани со заштитен фактор.

Најдобро е да се користи водоотпорен фактор за сончање и истиот да се нанесува редовно на секои два часа. Кај дечињата со алергиска конституција треба да се одбере заштитен фактор кој содржи цинк оксид

Од особено значење е дечињата да се хидрираат додека се изложени на сонце, да пијат вода бидејќи многу полесно се подложни на дехидрираност и сончаница. Додека престојуваат на сонце треба редовно да се нудат со свежа вода, овошје и некои зеленчуци кои содржат доста вода и делуват освежително.

ВОДА Додека престојуваат на сонце децата треба редовно да се нудат со свежа вода

По убаво поминат ден на плажа со многу бањање и валкање во песок, задолжително треба да следува туширање со нежно средство и нанесување на хидратантно млеко за тело кое ќе ја хидрира и ќе ја опушти затегната кожа.

Правилната заштита на кожата уште од најмала возраст е од особена важност, бидејќи кожата ги кумулира примените зрачења и нејзините оштетувања можат да доведат до предвремено стареење и малигни промени на истата.

 

ПОВЕЌЕ ОД ИСТИОТ АВТОР, Д-Р ЗВЕЗДА СПАСОВСКА: