Малите стрсови кои секојдневно ги доживуваме не можат да доведат до спонтан абортус. Студиите не покажале поврзаност помеѓу спонтаниот абортус и секојдневниот стрес предизвикан од модерниот начин на живот, како тежок ден на работното место или гужви во сообраќајот.
За повеќето спонтани абортуси или не се знае причината или тоа е целосно надвор од наша контрола. Најголемиот број на вакви прекини на бременоста се случуваат случајно, како последица на хормонални абнормалности. Тоа значи дека јајце клетката или сперматозоидите едноставно имале погрешен број на хромозоми, така што оплодената јајце клетка не можела нормално да се развива.
Екстремните стресови, како развод, финансиски проблеми, смрт на блиска личност може да влијаат на здравјето на бебето во стомакот на мајката. Според една данска студија, жените кои биле под голем стрес имале 80 проценти поголем ризик да родат мртов плод од ное кои се изложени само на секојдневни стресови.
Некои истражувања покажале дека високото ниво на стрес може да го зголеми ризикот од раѓање на дете со намалена родилна тежина, која подоцна може да му донесе склоност кон алергии и астма.
