Родителите се одговорни да ги научат своите деца на важни животни лекции кои добро ќе им послужат еден ден кога ќе пораснат. Умот на детето е како сунѓер, што и да слушне и види остава длабока трага на него. Детето е невино, несебично и чувствително суштество на кое пред се му треба многу љубов и внимание.
Според „Life Hack“, постојат некои работи за кои психолозите тврдат дека родителите треба да им ги кажуваат на своите деца секој ден како би израснале во среќни и задоволни луѓе.
- Те сакам
Иако звучи разбирливо, експертите нагласуваат дека оваа реченица не ја кажуваат сите родители, особено не оние кои во детството не биле навикнати да го слушаат истото од сопствените родители. Имено, вашето дете треба да знае дека вие го сакате, а на малечкото ќе му биде тешко да го заклучи ова само гледајќи го вашето однесување кон него или вашите постапки. Оваа фраза често значи само два едноставни збора за возрасните, но значи многу повеќе за вашето дете. Не дозволувајте ниту еден ден да помине без да му кажете на вашето малечко дека го сакате.
Колку и да е тешко, секогаш научете го вашето дете дека му е дозволено да ви каже што и да му се случува, дури и ако знае дека ќе му се налутите поради тоа. Имено, добар однос помеѓу родителот и детето не може да постои доколку меѓу вас нема доверба. Бидете пријател на вашето дете, а не само родител
- Како го помина денот?
Кога сте родител, важно е постојано да покажувате интерес за сè што се случува со вашето дете, без разлика дали тоа е денот во градинка, на училиште или викенд поминат со бабите и дедовците. Една многу едноставна реченица ќе му помогне на вашето дете да разбере колку се грижите за него и колку сте заинтересирани за сè што прави, а исто така ќе биде и добра причина да разговарате за нешто што го направило среќно или можеби тажно тој ден.
- „Те молам“
Ако сакате вашето дете да има добри манири, научете го да каже „те молам“ пред да побара што било.
- Благодарам и извини
Исто како што очекувате од вашето дете да ви каже благодарам или извини, и вие како родител треба да бидете подготвени да ги кажувате овие зборови секој ден. Детето ќе научи како најдобро да се однесува така што ќе ве набљудува вас и вашето однесување, па затоа е сосема разбирливо дека вие ќе бидете првиот пример за вашите малечки. Немојте да се изненадите ако не ви е секогаш лесно да ги изговорите истите зборови, особено ако имате лош ден или влезете во каква било сериозна расправија со вашето дете.
- Никогаш не се откажувај
Треба да го научите вашето дете уште од рана возраст како да се справува со секојдневните предизвици. Нормално е дека вашето дете, како и секој човек, повремено ќе наиде на тешки ситуации во животот, но ваша задача е да го научите дека никогаш не треба да се откажува, советуваат експертите.
Бидете пријател на вашето дете, а не само родител и ќе видите колку тоа ќе влијае на квалитетот на вашиот однос
- Прати ми порака кога ќе стигнеш
Откако ќе станете родители, дури тогаш разбирате што значи постојано да се грижите за некого. Меѓу другото, особено сте загрижени за безбедноста на вашето дете кога не сте во близина, поради што оваа реченица е една од најчестите што ги кажува секој родител.
- Тоа е твој избор
Како што расте вашето дете, со тек на време мора да го научите да донесува одлуки самостојно и да преземе одговорност за своите постапки. Ова ќе му помогне да ја изгради својата самодоверба, но ќе знае и да ја цени слободата што му ја давате. Ќе види дека верувате во него, што е многу важен елемент на секој однос родител – дете.
- Како се твоите пријатели?
Друштвото им значи многу на децата, од градинка па подоцна преку училиште, па се до факултет, затоа секогаш трудете се да ги запознаете нивните пријатели што е можно повеќе. Секогаш обидувајте се да го запознаете кругот на пријатели на вашето дете, да ги знаете нивните имиња и што најмногу ги интересира. Вистина е дека друштвото исто така го формира вашето дете во личност што ќе биде кога ќе порасне, затоа внимавајте на тоа какви пријатели избира вашето дете. Имено, вашето дете може да ги прифати добрите, но и лошите навики од нив бидејќи има тенденција да ги имитира оние со кои поминува најмногу време.
- Не фрлај храна
Разбирливо е децата да сакаат да јадат што сакаат, без разлика колку е тоа здраво или нездраво. Често поради влијанието на нивните врсници бараат брза храна, па ваша задача како родител е да го насочите вашето дете да го јаде и она што можеби не го сака толку многу, но е важно за неговото здравје. Поточно, треба да го научите вашето дете ни случајно да не ја фрла храната, а ако дојде до тоа – треба да поставите јасни граници, советуваат експертите.
- Може да ми ја кажеш вистината
Колку и да е тешко, секогаш научете го вашето дете дека му е дозволено да ви каже што и да му се случува, дури и ако знае дека ќе му се налутите поради тоа. Имено, добар однос помеѓу родителот и детето не може да постои доколку меѓу вас нема доверба. Бидете пријател на вашето дете, а не само родител и ќе видите колку тоа ќе влијае на квалитетот на вашиот однос.
