Сигурно, доколку детето ви се пожали, си велите од каде вртоглавици кај децата? Но, има разни типови (повидови) на вртоглавица, а ова е една од најчестите, но и најбезопасните која се јавува кај децата. Вртоглавицата обично се појавува како резултат од намален доток на крвта во мозокот, но може да биде предизвикана и од пореметувањето на центарот за рамнотежа, кој се наоѓа длабоко во внатрешото уво.
Вртоглавица може да се појави и кога детето има висока температура, но и во некои други, поретки состојби.
Но, лекарите ја објаснуваат најчестата варијанта на вртоглавица. Зошто им се врти во глава од нагло станување од кревет? Тоа е лесно да се разбере!
Кога детето лежи, голема количина на крв доаѓа во главата, па така и во мозокот – бидејќи тој се наоѓа во линија со срцето, кое пумпа крв. Ако нагло стане од кревет, доаѓа до сливање на крвта од горните делови на телото (па и од главата) во долните делови, при што мозокот привремено останува без доволна количина на крв. Со намалената количина на крв доаѓа и до недостаток на кислород, без кого мозокот не може да работи. Затоа тој се брани, и тоа со вртоглавица – која не тера да се вратиме во хоризонтална положба и така да го поправиме дотокот на крв и на кислород.
- Зошто ова не се случува и на некој друг?
Или другите не сакаат да признаат, или имаат малку посилен кардиоваскуларен систем. Оваа вртоглавица почесто се јавува кај девојчињата, но и кај оние деца кои имаат низок крвен притисок. Ако, на пример, мајката има низок притисок, постои реална можност дека таков да биде случајот и со детето. Затоа, измерете му на детето притисок. Сигурно ќе биде понизок.
- На лето ова многу почесто се случува. Зошто?
Кога е топло, крвните садови се шират (баш како и речиси се друго). А кога тие се шират, доаѓа до пад на крвниот притисок. Тоа дополнително го намалува дотокот на крв и кислород во мозокот, што доведува до вртоглавица. Слично се случува и кога детето е болно и има висока температурата.
- Може ли ова сериозно да наштети?
Не може, ако се исклучи пад од кревет или незгодно удирање со главата – што, сепак, ретко се случува.
- Како да се ослободи детето од овие проблеми?
Прво, наутро нека не скокаат од кревет! Малку нека поседат на креветот, нека се истегнат, па полека да станат. Дури потоа нека отидат во тоалет, да се средат, па веднаш да појадуваат, затоа што појадокот е најважниот оброк.
Во текот на денот треба редовно да земаат доста течности и би било добро да се занимаваат со некој спорт. Така ќе го решите овој, не многу опасен, но непријатен проблем.
