Децата имаат шест пати помала веројатност да го шират коронавирусот отколку возрасните, тврди ново истражување.
Истражувањето следело како се шири COVID-19 во група од 1.900 луѓе, претежно деца, кои поминале пет недели во летни кампови во Шпанија. Тие биле мешани во слични ситуации како на училиште, но поголемиот дел од времето го поминале надвор, на отворено, а не во училници, откриваат истражувачите од Барселона.
30-те педијатриски случаи дошле во контакт со 253 деца за време на камповите. Но, само 12 од тие контакти биле заразени и станале познати како секундарни случаи. Ова им дава на децата репродукциски број Р од 0,3 – скоро шест пати помал од оној на општата популација за време на студијата (1,7 до 2) во областите каде што се одржувале камповите
Преку тестирање било откриено дека 30 заразени деца го пренеле вирусот на само 12 други деца, и покрај тоа што имале повеќе од 250 блиски контакти во нивната близина.
Репродукцискиот број Р кај децата (бројот на заразени лица што го пренесуваат вирусот) бил 0,3. За споредба, факторот на репродукција на вирусот во локалното подрачје бил 1,7 до 2, што значи дека децата биле шест пати помалку заразни од општата популација.
Студијата ја предводела детската болница „Sant Joan de Déu Barcelona“ и траела пет недели.
Истражувачите испитале 1.905 луѓе кои учествувале во активности во средина слична на училишната во 22 летни кампови. Имало основни мерки на ограничување кои ќе бидат вообичаени во училиштата на глобално ниво: често миење раце, мали групи и носење маска за лице.
„Секоја недела група на болнички персонал патуваше во камповите и земаше примероци на плунка за ПЦР-тест“, изјави за „Тајмс“ Хуањо Гарсија, шеф на педијатрија во болницата.
Во текот на пет недели, истражувачите идентификувале вкупно 39 „нулта пациенти“, во кои биле вклучени 30 деца и девет возрасни.
30-те педијатриски случаи дошле во контакт со 253 деца за време на камповите. Но, само 12 од тие контакти биле заразени и станале познати како секундарни случаи. Ова им дава на децата репродукциски број Р од 0,3 – скоро шест пати помал од онoj на општата популација за време на студијата (1,7 до 2) во областите каде што се одржувале камповите.
Тоа значи дека на секои 100 деца кои биле заразени, само 30 други би се заразиле од нив. За споредба, кај општата популација 100 луѓе би заразиле помеѓу 170 и 200 други.
Повеќето од педијатриските случаи (22) не пренеле никаква инфекција во камповите, истакнаа истражувачите. (Дејли мејл)
