ДЕВЕТ ЧЕКОРИ ДО ПОДОБРО РОДИТЕЛСТВО: Бидете добар пример за своите деца

Малите деца учат многу за тоа како да се однесуваат гледајќи ги своите родители. Колку се помлади, толку повеќе ги слушаат родителите. Пред да се „истресете“ или да почнете да пцуете пред децата, размислете: дали сакате вашето дете да се однесува така кога е луто? Бидете свесни дека вашите деца постојано ве набљудуваат

  1. Подигнете ја самодовербата на детето

Децата го впиваат тонот на гласот, говорот на телото и секој израз на лицето на нивните родители. Вашите зборови и постапки како родител влијаат на нивната самодоверба во развој. Оставете ги да ги прават работите самостојно. Тоа ќе направи да се чувствуваат способни. Не ги споредувајте со другите бидејќи така само ќе се чувствуваат безвредни.

Избирајте ги вашите зборови внимателно и бидете сочувствителни. Децата треба да знаат дека сите прават грешки, но дека сепак ги сакате, дури и кога не ви се допаѓа како се однесуваат.

  1. Пофалете ги кога ќе направат нешто добро

Дали некогаш сте размислувале за тоа колку пати сте реагирале негативно на вашите деца во одреден ден? Можеби многу почесто критикувате отколку што давате комплименти. Поефективен пристап е да забележите кога ќе направат нешто како што треба: „Си го наместил креветот без никој да ти каже, па тоа е одлично“. Ваквите изјави долгорочно ќе помогнат повеќе во поттикнувањето на доброто однесување. Секој ден пронајдете нешто за да пофалите.

Како родител, вие сте одговорни да ги поправате и насочувате вашите деца. Но, начинот на кој ги изразувате вашите насоки прави голема разлика во тоа како вашето дете ги прима. Кога треба да се соочите со вашето дете, избегнувајте критикување или наоѓање вина, што ја нарушува самодовербата и може да доведе до лутина. Наместо тоа, обидете се да ги негувате и охрабрувате
  1. Поставете граници и бидете доследни на вашата дисциплина

Дисциплината е од суштинско значење во секое домаќинство. Целта на дисциплината е да им помогне на децата да изберат прифатливо однесување и да научат самоконтрола. Ограничувањата им се потребни за да израснат во одговорни возрасни луѓе.

Воспоставувањето на куќен ред им помага на децата да ги разберат вашите очекувања и да развијат самоконтрола. Некои правила може да вклучуваат: нема ТВ додека не се завршат домашните задачи, нема цртани филмови додека не се соберат сите играчки…

  1. Најдете време за вашите деца

Наутро станете 10 минути порано за да можете да појадувате со вашето дете или прошетајте со него по вечерата. Децата кои не го добиваат вниманието што го сакаат од родителите често се однесуваат лошо бидејќи на тој начин сигурно ќе бидат забележани.

Многу родители сметаат дека е корисно да планираат заедничко време со своите деца. Смислете „посебна ноќ“ секоја недела за да бидете заедно и оставете ги вашите деца да одлучат како ќе го поминете времето.

  1. Бидете добар пример

Малите деца учат многу за тоа како да се однесуваат гледајќи ги своите родители. Колку се помлади, толку повеќе ги слушаат родителите. Пред да се „истресете“ или да почнете да пцуете пред децата, размислете: дали сакате вашето дете да се однесува така кога е луто? Бидете свесни дека вашите деца постојано ве набљудуваат.

  1. Комуникацијата нека биде приоритет

Не можете да очекувате од децата да прават сè само затоа што вие како родител „така велите“. Тие сакаат и заслужуваат објаснувања исто како и возрасните. Ако не одвоите време да им објасните, децата ќе почнат да ги преиспитуваат вредностите и мотивите и дали тие имаат некаква основа. Родителите кои ги разбираат своите деца им дозволуваат да разбираат и учат на начин без осудување. Јасно изразете ги своите очекувања. Ако има проблем, опишете го, изразете ги вашите чувства и викнете ги децата да работат со вас на решението.

  1. Бидете флексибилни и спремни да го прилагодите вашиот стил на родителство

Ако често се чувствувате „изневерени“ од однесувањето на вашето дете, можеби имате нереални очекувања. Околината на децата влијае на нивното однесување, па вие би можеле да го промените тоа однесување со менување на околината. Ако постојано му велите „не“ на вашето 2-годишно дете, побарајте начини да ја промените околината така што помалку работи ќе му бидат забранети. Ова ќе предизвика помалку фрустрации и за обајцата.

  1. Покажете дека вашата љубов е безусловна

Како родител, вие сте одговорни да ги поправате и насочувате вашите деца. Но, начинот на кој ги изразувате вашите насоки прави голема разлика во тоа како вашето дете ги прима.

Кога треба да се соочите со вашето дете, избегнувајте критикување или наоѓање вина, што ја нарушува самодовербата и може да доведе до лутина. Наместо тоа, обидете се да ги негувате и охрабрувате, дури и кога ги дисциплинирате вашите деца.

  1. Запознајте ги вашите потреби и ограничувања како родител

И вие како родител имате јаки и слаби страни. Препознајте ги вашите силни страни и обидете се да работите на вашите слабости. Обидете се да имате реални очекувања за себе, вашиот партнер и вашите деца. Не мора да ги имате сите одговори, простувајте си самите на себе. Фокусирајте се на областите на кои им треба најмногу внимание наместо да се обидувате да се справите со сè одеднаш, пишува „Kids Health“.