Лактацијата може да го намали ризикот од постпородилен дијабетес кај мајките, укажува нова студија. Имено, с е покажало дека лактацијата ја зголемува масата и функцијата на бета-клетките на панкреасот со производство на серотонин. Овој позитивен ефект може да трае со години, дури и по престанок на лактацијата и го подобрува метаболичкото здравје на мајката.
Бременоста за жената претставува голем метаболен товар поради зголемување на телесната тежина и зголемената инсулинска резистенција. Истовремено, бројни други фактори, вклучително и историја на гестациски дијабет, возраста на мајката и телесната тежина, дополнително влијаат на ризикот од развој на дијабетес по породувањето.
Треба да се спомене дека жените кои имале гестациски дијабетес се изложени на поголем ризик од развој на постпородилен дијабетес.
Ова истражување открило дека во текот на доењето, серотонинот се произведува во бета-клетките на панкреасот, и делува како антиоксидант и го намалува оксидативниот стрес, правејќи ги бета-клетките на мајката поздрави.
