За мајката да обезбеди доволна количина квалитетно млеко за бебето, треба да поведе сметка за исхраната за време на доењето. Покрај тоа што исхраната мора да биде балансирана, потребно е за време на доењето да се придржувате и на следниве правила:
- Јадете кога сте гладни
- Не го прескокнувајте појадокот, оти тој го покренува метаболизмот
- Јадете разновидна храна, оти различноста на мириси и вкусови во млекото ќе му помогнат на бебето полесно да прифати немлечна храна.
- Житарките нека бидат основа на оброкот, како што е интегрален ориз.
- Овошјето и зеленчукот се особено важни, оти содржат потребни витамини и минерали.
- Внесувајте протеини од млеко, јајца, риба или живина (месото ќе ја задоволи и зголемената потреба за витамин Б6, железо и цинк).
- Пијте пред да станете жедно и тоа вода, природни сокови, млеко, супа. Земете чаша вода или цеден сок секогаш кога го доите бебето.
- На доилките им е потребен калциум, а најдобри извори се брокула, зелка, сок од портокал, житарки, тиква, лосос.
За време на доењето избегнувајте
- Слатка и масна храна
- Алкохол и цигари
- Грицки
- Кофеин
- Лута храна и храна со силен мирис
- Одредени лекови
- Интензивни и строги диети
