Вашето бебе од 10. до 12. месец веројатно пронашло неколку намирници кои му се омилена храна. Во овој момент му се случуваат првите залчиња цврста храна, како поголем дел од оброкот, и можеби нема повеќе да сака да јаде кашички.
Во овој период, бебето може да почне да одбива храна, но тешко дека може да се каже дека е пребирливо. Одбивањето храна, па дури и некои омилени намирници, може да се должи на преокупираноста со истражување на светот околу себе, па му е здодевно да седи во столче за хранење и да биде мирно.
Иако оваа фаза од исхрана може да ве фрустира, не плашете се дека вечно ќе трае. Давањето можност детето да избира храна која ја сака и колку сака е многу важно. Дозволете детето да ве води и не се нервирајте.
Се додека му нудите балансирана исхрана со овошје, зеленчук и протеини, тоа ќе ги добива сите потребни хранливи состојки.
Од 10 месец бебето може да јаде било кој тип житарки сака, сите типови на бобинки и цитруси, краставица, пченка, спанаќ, домат, цело јајце, спанаќ, риба и млеко.
