Дали некогаш сте се запрашале зошто децата понекогаш го фаворизираат едниот родител? Ако мислевте дека тоа е затоа што детето повеќе ги сака мама или тато, можеби ќе се изненадите бидејќи вистината е всушност сосема поинаква. Имено, децата, особено ако се помлади од пет години, се потпираат на своето семејство за задоволување на нивните потреби. Фаворизирањето на едниот родител пред другиот не е од лична природа, велат експертите, туку се заснова исклучиво на основните обрасци на преживување.
Еднаш кога детето ќе препознае дека едниот родител е „подостапен“ од другиот, настојува да се избори така и да остане, затоа што неговата потреба за грижа и цврста, стабилна врска во тој случај е пресудна. Детето на тој начин го штити и го претпочита односот со еден од родителите затоа што се покажал поконзистентн во давањето резултати. Со ова се согласува и психологот Сара Алперин.
„Фаворизирањето на еден родител нема апсолутно никаква врска со недостатокот на љубов на детето кон другиот родител. Ова е исклучиво форма на неговата способност да го препознае патот на појмал отпор кон задоволување на неговите основни потреби. Многу родители се загрижени затоа што мислат дека нивното дете не ги сака или нешто им замерува, па поради тоа го претпочита другиот родител, но тоа не е вистина“, објаснува Алперин.
„Доколку сте родител чие дете понекогаш ве турка од себе, ве советувам да не го обвинувате, туку дајте му до знаење дека сте на располагање доколку на крајот сепак му требате. Важно е детето да знае дека го почитувате неговиот избор и дека го сакате, без разлика на се“, додава таа.
Значи, кога децата еднаш ќе го препознаат најсигурниот, најцрвст однос со едниот родител, ќе се потпрат на него бидејќи тоа е наједноставното решение за нив во тој момент. Исто така, психологот нагласува дека фаворизирањето често се менува во зависност од тоа што му е важно на детето во дадениот момент и што го интересира.
