Родителите на мали деца, а особено на бебиња се особено загрижени кога ќе земат замав екстремни горештини, па не е сосема јасно како да го разладат малото, кога е безбедно да се излезе на прошетка. Жан Монтег, директор на педијатрискиот оддел во болницата Good Samaritan во Саферн, вели дека родителите треба да ја избегнуваат горештината што е можно повеќе.
„Не е во ред да се носи новороденче или кое било бебе надвор кога е многу топло – над 25“, вели таа. „Бебињата не можат да се потат, што е начин на кој вашето тело се лади, па честопати може да доживеат топлотен удар многу побрзо од постаро дете или возрасен“. Освен тоа, бебињата можат побрзо да се дехидрираат. Топлотниот осип е исто така загрижувачки.
Прегревањето е исто така поврзано со синдромот на ненадејна смрт на доенчиња (СИДС), фатално нарушување на спиењето. „Бебињата длабоко спијат кога се жешки, што го отежнува нивното будење и го зголемува ризикот од СИДС“, објаснува Брус Епштајн, педијатар од Парк Пинелас, Флорида.
Како да го заштитите вашето бебе на жештина
За да бидете сигурни дека вашето малечко ќе остане разладено и заштитено во текот на долгите, топли летни денови, еве неколку стручни совети:
- Изберете вистинска облека
Ако бидете во затворен простор, облечете го вашето дете во широка, лесна облека, по можност од природни влакна како памук, кои подобро ја апсорбираат потта. Правилото е: „Облечете го вашето бебе онака како што сте вие облечени“, вели д-р Епштајн. „Ако носите шорцеви и маица, и на бебето тоа ќе му биде добро.
За престој на отворено, облечете го вашето дете во долги панталони во светла боја, кошула со долги ракави и капа за сонце со широк обод за да го заштитите неговото лице. Одолејте на искушението да го оставите изложено на сонце во текот ба облачен ден, бидејќи штетните зраци сè уште можат да продрат низ облаците и да предизвикаат изгореници од сонце.
- Користете носилка за бебе погодна за лето
Комбинацијата на топлината на вашето тело и затворениот простор во носилка може да го прегрее бебето за неколку минути. Ако сакате да користите носилка на потопло време, изберете таква направена од лесен материјал наместо од тешка ткаенина како тексас, а ако лицето на вашето дете почне да изгледа црвено, извадете го од носилката.
„Држете гобебето разладено така што ќе му ги прскате рацете и нозете со вода или бришејќи ги со влажна крпа одвреме-навреме“, вели д-р Монтег.
Хидрираност
Дури и ако не гледате капки пот како капат од челото на вашето бебе, тоа може да губи драгоцени течности од потење на топло време. Зацрвенето лице, топла кожа на допир, забрзано дишење и немир може да бидат предупредувачки знаци за дехидрација.
Бидејќи бебињата помлади од 6 месеци не треба да пијат вода (бебињата постари од 6 месеци може да земаат во скромни количини), надополнете ја изгубената течност со почесто доење или давање дополнително формула. Бебињата треба да пијат најмалку 50% повеќе од вообичаено за време на летото. Исто така, погрижете се вашето новороденче да има повеќе влажни пелени од вообичаено.
- Вистинско време за активности на отворено
Најлошото време да вашето бебе и вие да бидете на отворено во летните месеци е помеѓу 10 и 14 часот, кога сонцето најмногу ја оштетува кожата, вели Ерик Сигел, дерматолог од Мелбурн. Планирајте активности на отворено пред или по овој период.
