Од почетокот на бременоста се додека не престанете да го доите бебето, градите кај жената се менуваат. Но, може на едноставен начин да си олесните овој период и да водите грижа за вапите гради.
Соодветен градник
Во периодот на доење, многу е важно да носите памучни градници кои не ги стегаат градите, но обезбедуваат нивно стабилно држење. Моделите со корпи и жица не се добар избор бидејќи можат да ве стегаат, но и да ви го попречуваат доењето, односно производството на млеко. Исто така, градниците за доење се удобни, можете со нив да спиете доколку градите ви се болни во текот на ноќта.
Стрии
При изборот на препарат за нега на кожата во бременоста и по породувањето, предност се дава на оние средства кои содржат природна основа – етерични масла и билни екстракти. Добри се невенот, камилицата, алоето, маслинката, бадемовото масло, авокадо, како и ши путер, како и пчелин восок.
Избегнувајте препрарати веднаш по породувањето
Непосредно по породувањето, на градите не треба да се нанесуваат никакви креми, ниту масла. Подоцна, кога бебето ќе научи да цица, може да се користат проверени средства за нега. Вештачките супстанци ги запушуваат порите и не ја хранат кожата, која на тој начин станува многу поподложна на појава на стрии.
Внимавајте на исхраната
За делумно да спречите појава на стрии на градите, важно е и правилно да се храните. Треба да се пијат што е можно повеќе течности и да се јаде овошје и зеленчук, односно намирници кои содржат витамини Е и Ц, но и оние кои содржат протеини. Ограничете го внесот на сол, за да ја намалите задршката на течности, а со тоа и отекување на градите.
Студени облоги
Доколку градите ви се жешки и болни, ставете студени облоги. Одлично помага и разладен лист од зелка: ставете главица зелка во фрижидер или замрзнувач. Откако доволно ќе се олади, откинете лист и ставете го во градникот. И топлата купка може да помогне при оток на градите.
