Проблемите со спиењето може да ја намалат плодноста кај мажите, истакнува нова студија.
Истражувачите покажале дека бројот на сперматозоди кај мажите кои имаат проблем со спиењето е помал за дури една третина во однос на оние кои убаво спијат и немаат проблеми со сонот.
Резултатите откриле и дека мажите кои имаат испрекинат сон, кој трае помалку од шест часа, имаат помалку подвижни сперматозоиди и помали тестиси.
“Мажите со зачестени проблеми со сонот, имаат за 29% намалена концентрација на сперматозоиди“, вели Тина Џенсен, автор на студијата спроведена на Универзитетот Јужна Данска.
Ова е всушност прва студија која направила поврзаност помеѓу квалитетот на сонот и плодноста.
Истражувањето било спроведено на 935 млади мажи, на просечна возраст од 18 години. Стручњаците веруваат дека е доволно 7-8 часа сон дневно, за организмот добро да функционира.
