ИГРА СО БЕБЕТО: Оваа едноставна активност ќе ви помогне подобро да се поврзете со детето, но и да одморите

Имате ли чувство дека постојано го забавувате вашето бебе?

Кога го добила своето прво дете, психотерапевтот Веред Бенхорин се чувствувал како постојан забавувач на своето дете. Цел ден се трудела да смисли нови активности за бебето, а потоа копнеела по неколку мигови мир. Работејќи со родители, таа забележала дека многумина имаат два модела на дејствување, еден во кој се целосно ангажирани со детето и друг во кој целосно се исклучуваат и го оставаат детето да си игра само. Таа во овој текст зборува за трет модел кој често го занемаруваме.

Три модели на дејствување

Бенхорин истакнува дека со своите деца открила и трет модел на функционирање кој има големи придобивки и за бебето и за родителот. Кога почнала да го користи, се чувствувала повеќе поврзана со своето бебе, а нашла и начин да се опушти. Таа го нарекла истражувачки модел.

Родителите често мислат дека треба постојано да им бидат учители на своите бебиња, но бебињата се како мали научници, постојано ја истражуваат својата околина, избираат играчка на која ќе се фокусираат, ја истражуваат тежината и текстурата, ја ставаат во уста за уште подобар впечаток и интуитивно знаат што треба да направат. Ние им служиме само како асистенти во тоа истражување.

Колку помалку се мешаме во природниот процес на истражување и учење на бебето, толку повеќе можеме да набљудуваме како тие го прават тоа. Во истражувачкиот модел, родителите не ги водат своите бебиња во игра, но не се исклучуваат целосно. Тие се наоѓаат во некоја состојба помеѓу двете. Целта на таквата игра е да се истражува светот низ очите на бебето, да се биде целосно присутен, но не и активен учесник.

Што треба да направите?

Оставете го вашиот мобилен телефон и сите други можни дистракции на неколку минути. Ако сакате, пуштете релаксирачка музика која ќе ви помогне да го исклучите напливот на мисли и да се препуштите. Легнете до вашето бебе и ставете ја главата покрај бебето. Понудете му играчка, но без анимирање, само држете ја додека бебето не одлучи да ја земе.

Сега обрнете внимание на однесувањето на бебето. Во што гледа, кои делови од играчката и се интересни, дали ставило некој посебен дел во устата, дали ги истражува формите и боите и дали погледот ѝ бега на нешто друго?

Оваа едноставна активност од неколку минути може да ја зајакне врската со вашето бебе и да ви помогне да го видите светот низ нејзините очи. Истовремено, ви дава можност за пауза, што не мора да значи целосно исклучување и одвојување.