Експерименталниот третман и овозможил на пациентка наречена „Пациент 16“, која страдала од тешка форма на болеста Ковид-19, поради што и се заканувало откажување на внатрешните органи, целосно да оздрави.
Како дел од студијата спроведена од Американската агенција за напредни воени истражувања – ДАРПА, во која бил користен специјален филтер приклучен на апарат за дијализа, сопругата на еден американски војник била успешно излечена од тешка форма на болеста Ковид-19. Наведениот филтер помогнал да се прочисти нејзината крв од коронавирусот, и на тој начин и овозможил потполно да оздрави.
Во интервју за емисијата „60 минути“ на Си-Би-Ес, пензионираниот полковник Мет Хепберн, кој со години работи за ДАРПА како лекар, рече дека агенцијата работи на неколку проекти кои треба да помогнат во спречување на следната пандемија и борба против сегашната пандемија.
Еден од тие проекти вклучува сензор кој би бил ставен под кожата и кој би ги откривал хемиските реакции што се јавуваат при инфекции. Овој проект е сè уште во фаза на развој.
Како дел од студијата на ДАРПА, во која бил користен специјален филтер приклучен на апарат за дијализа, сопругата на еден американски војник била успешно излечена од тешка форма на болеста Ковид-19. Наведениот филтер помогнал да се прочисти нејзината крв од коронавирусот, и на тој начин и овозможил потполно да оздрави
Тогаш го споменал и случајот на „Пациент 16“. Жената била вклучена во студија во која во основа бил користен филтер за крв, чија цел било да го извлече вирусот од крвта. „Филтерот го отстранува вирусот и ја враќа крвта назад во телото“, рекол Хепберн.
Пациентката целосно оздравела, а Управата за храна и лекови на САД (ФДА) ја одобри употреба на тој филтер во итни случаи. Филтерот досега се користел на скоро 300 критично болни пациенти во САД. (Фокс њуз)
