Кога ќе почнете со доење природно е да се загрижите дали количината млеко која ја имате е доволна. Сепак, за да може да бидете сигурни дека вашето бебе е доволно нахрането, издвојуваме знаци според кои ќе препознаете дека бебето добило доволно млеко.
- Доењето е сосема едноставно и за вас и вашето бебе. Ако не ве болат брадавиците, тоа значи дека бебето добро ја фатило градата.
- Бебето само се одалечува од вашите гради. Целосно го задоволило својот апетит, дури и ако побара повторно да јаде по 10 минути. Како и вие, и бебето сака да направи пауза.
- Бебето е задоволно по подојот, изгледа добро и добива на телесна тежина по првата недела.Тогаш можете да бидете сигурни дека вашето бебе од млекото добило доволно нутриенти и калории. Млекото ги содржи сите соодветни состојки за бебето,икао тие се менуваат. Вашето тело точно знае што му е потребно на вашето бебе.
- Ако бебето извалка пет до осум пелени во рок од 24 часа,тоа е показател дека доволно јадело.
Нормално е ако се случи бебето да изгуби малку од телесната тежина во првата недела. Штом доволно јаде, много брзо ќе надомести се.
Во случај бебето да не може убаво да ја фати брадавицата, побарајте помош од стручно лице. Некогаш може да се консултирате и со други мајки кои дојат.
Ако вашиот лекар е загрижен и смета дека вашето дете не добива доволно на телесна тежина, можете млекото да го давате со шише по доењето.Продолжете со тоа, се додека бебето не научи убаво да цица. Може да биде тешко, но имајте на ум дека нема да трае засекогаш.
Доколку навистина постои сериозен проблем околу доењето, понудете му на бебето соодветна млечна формула.
