Имуниот систем се гради од најраното детство со воведување на здрави навики во секојдневниот живот на детето. Стратегијата со која ќе се сочува детскиот имун систем и ќе се зајакне во борба против болести и тоа како е проверна и може да помогне детето да живее поздраво и посреќно детство.
Редовната телесна активност и престојот на свеж воздух треба да се практикуваат секој ден. Без разлика на временските услови, соодветно облечете се и излезете од затворениот простор. Пешачење, трчање, игра и истражување на околината, за децата претставува огромно задоволство и го поттикнува чувството на среќа и задоволство кое исто така е многу важно во зачувување на имунитетот. Спортувањето каде детето редовно ќе минува време во организирано вежабње е многу пожелно, бидејќи освен имуниот систем, се создаваат и други трајни здрави навики.
Сончевата светлина е исклучително важна за здравјето на децата, поради нивото на ВИТАМИНОТ Д кој му е потребен на детето за нормален раст и развој.
Сонот е неопходен за нормално функционирање на човековиот организам. Минимално осум часа сон, секоја вечер им е потребен на децата за да се зачува нивниот имун систем. На тој начин, тие градат свои природни одбранбени механизми. Спиењето може да спречи болести, ако се рагира со одмор на првите знаци на болеста.
Да не се заборави дека водата е најдобар извор на здрава хидратација и најважна состојка во исхраната на организмот. Поттикнете ги децата да пијат доволно вода. Хидратацијата на организмот со чиста вода е еден од најважните фактори за здравјето и за имунитетот. Консумирањето вода има и детоксикациски ефект.
Многу е важно, децата да избегнуваат да консумираат засладени напитоци кои содржат скриени шеќери. Тие го нарушуваат оптималното ниво на шеќер во крвта, што може да ја намали ефикасноста на имуниот систем. Треба да се има предвид дека децата во исхраната, а особено во слатките напитоци, консумираат повеќе шеќери од што се свесни.
