Дали имате ситуации кога детето одбива навреме да стане за во училиште, одолговлекува ли со облекувањето и не се придржува на правилата за расчистување на собата или пак гледањето телевизија? И за тоа има решение, тврдат детските психолози. Тие објаснуваат дека викањето и казнувањето често даваат контраефект, а родителите во таквите ситуации треба да се послужат со мали ‘лукавства’.
Победи го часовникот
Неважно дали одбива да напише домашна задача на време или да ја расичсти собата, најлесниот начин да го натерате детето да се покрене е играта ‘победи го часовникот’. Тврдоглавите деца ги интригираат предизвиците на оваа игра, па ако им речете да го победат својот рекорд и да ви докажат дека можат за 15 минути да ја расчистат собата или да напишат домашна, нив тоа ќе им мотивација.
Џокер помош
Колку и да е тврдоглаво детето, тоа сака да се чувствува корисно и способно во семејството. Ако му презентирате дека тоа со своето однесување може многу да ви помогне, а дека од тоа ќе произлезе и заедничка награда – на пример семејно одење на пица, во кино или излет, тоа полесно ќе сфати дека зад извршувањето на обврските доаѓа слободно време и уживање во кое може да се ужива без притисок.
Користете позитивни зборови наместо критики
Одлично ја местиш трпезата и супер ја бришеш прашината. Одлично ти оди пишувањето и може да бидеш најдобар во одделение ако вежбаш – ова се примери за позитивно охрабрување кои ќе го мотивираат детето подобро од критикување и казни.
‘ДА’ прашалник
Ако детето нешто тврдоглаво одбива, почнете заедно да ја играте стратешката ‘да’ игра. Поставувајте прашања на кои мора да ви одговори со ‘да’, и тоа најмалку три пати по ред. Три позитивни одговори во низа ќе го срушат детскиот отпор, а тоа истовремено ќе се чувствува дека го слушате и разбирате.
Обратна психологија
Кај децата кои имаат силна волја, ниту викањето, ниту молењето не се ефективни затоа што тие не сакаат да ги следат упатствата, туку сами одлучуваат. Во тој случај помага само обратната психологија. Наместо да му наредувате на детето со детални инструкции, прашајте го за негово мислење и оставете го да избере помеѓу две опции. Детето ќе го направи токму она што го сакате, а притоа ќе мисли дека конечната одлука била негова.
