Како се однесува токсична мајка?

Мајката може да изрази пасивна агресија кон детето индиректно, на пример, низ грди коментари за таткото кога е детето присутно. Развојот на детето директно е поврзан со начинот на кој родителите се однесуваат еден кон друг и кон останатите членови на семејството, и токму затоа родителите имаат огромна улога во тоа какви луѓе ќе станат децата кога ќе пораснат.

Повеќето луѓе во поимот мајка гледаат пожртвувана жена која негува безусловна љубов кон своите деца и која прави се да своето потомство го изведе на прав пат, одрекувајќи се од се и сешто. Но, не се сите мајки такви. Дали знаете што е токсична мајка?

Ова се типични обрасци на однесување на токсична мајка:

  • Чувство на вина и срам

Ова однесување почнува со зборовите „Ти секогаш…“ или “Ти никогаш…“, и силно се врежуваат во совеста на детето. Во детската глава тоа станува и лична критика, глас кој постојано се повторува, обвинува и истакнува грешки, а ги избегнува пофалбите.

Улога на жртва

Многу мајки всушност играат улоги на жртви, а децата за тоа не се ни свесни. Токсичната мајка постојано го потсетува детето колку е неблагодарно, а реченицата обично завршува со “ после се што сум направила за тебе“. Ваквото однесување живее во детето и кога ќе порасне а мајката продолжува со својата токсична улога, особено ако детето сфатило за што всушност се работи и се обидува да го огрнаичи гледањето и контактот со мајката.

  • Пасивна агресија

Мајката може да изрази пасивна агресија кон детето индиректно, на пример, низ грди коментари за таткото кога е детето присутно. Развојот на детето директно е поврзан со начинот на кој родителите се однесуваат еден кон друг и кон останатите членови на семејството, и токму затоа родителите имаат огромна улога во тоа какви луѓе ќе станат децата кога ќе пораснат. Ако детето сведочи на вербален бес, казнување со тишина, психичко малтретирање, големи се шансите детето да развие слични пореметувања на однесувањето во просек веќе после 8. до 10. година.

Тишината како најлоша казна

Кога личноста не разговара со вас и не одговара на вашите прашања. Тоа е израз на максимален презир. Дури и возрасните тоа го доживуваат многу болно и понижувачко, а кога се работи за деца, ваквото однесување целосно ги уништива, особено ако доаѓа од родителот.