Кога го воспитуваме детето, секогаш се трудиме да го правиме она кое, барем во тој момент, ни се чини најдобро. Сепак, кога се тврдоглави, некогаш можеме да направиме погрешни чекори, а за тоа да не сме свесни.
Експерите велат дека голем број родители прават една голема грешка – кога децата не сакаат да тргнат дома, родителите им велат дека ќе ги остават таму, а тоа, не е воопшто добро.
“Шетате со детето, но морате да тргнете дома за да подготвите вечера, имате бебе кое плаче во количка, а постарото сака уште да си игра. И покрај молбите, тоа и натаму одбива да си оди. Повеќето родители од очај, имаат обичај да речат: Тогаш ќе си одам дома без тебе“, посочуваат експертите.
Кога ова ќе му го кажеме на детето, ние всушност му порачуваме дека неговото останување во парк не е важно. Вака му зборувате како да навистина во некој момент во животот ќе го оставите, а тоа за мало дете е страшна работа, објаснуваат експертите.
Наместо тоа, тие предлагаат 4 чекори.
“Прво кажете му дека гледате колку му е забавно. Потоа кажете дека е тешко да се тргне кога некаде ти е многу убаво. Третиот чекор е да му кажете на детето дека сепак е време да си оди дома. На крај – предложете му на детето некоја интересна активност дома.”
Важно е да не му се заканувате на детето, туку да останете смирени. Точно дека сето ова е тешко применливо во реалноста, но сепак обидете се. Експертите се убедени дека многу брзо ќе ги видите саканите резултати.
