Кога треба да се загрижите што детето оди на прсти?

Според експертите, продолженото одење на прсти често е резултат на церебрална парализа, мускулна дистрофија или друга болест на мускулите и нервите.

Одењето на прсти е појава која е честа кај децата, особено во периодот кога проодуваат. Поголем дел од нив ја надминуваат ваквата навика, но кај дел таа се задржува и е причина за загриженост кај родителите.

Според експертите, продолженото одење на прсти често е резултат на церебрална парализа, мускулна дистрофија или друга болест на мускулите и нервите.

Одењето на прсти е навика која се развива кога детето учи да оди. Во неколку случаи, ова пореметување може да биде предизвикано од други состојби и најчести причини се:

Мускулна дистрофијагенетска болест при која мускулните влакна се необично чувствителни на оштетувања и слабеат со тек на времето. Оваа дијагноза е поверојатна, ако детето одело нормално, пред да почнало да оди на прсти.

Церебрална парализа – пореметување на движењата, тонус на мускулите или состојба која е предизвикана од повреда или лош развој на незрелиот мозок, најчесто пред и околу раѓањето.

Кратка Ахилова тетива – тетивата која ги поврзува мускулите на потколеницата со задниот дел на коската на петата. Ако е прекратка, може да спречува петата да го допира тлото.

Аутизам – комбинација на пореметувања кои влијаат на детската способност за комуникација и интеракција со останатите.

При појавата на одење на прсти кај детето, ако е состојбата е проследена со недостаток на координација, веднаш треба да посетите стручно лице.