Психолозите објаснуваат дека зборовите што родителите им ги кажуваат на децата навистина имаат голема моќ. Тие веруваат дека задача на секој родител е да го мотивира детето и да му пружи поддршка секогаш кога му е потребна. Исто така, одредени работи што родителите им ги кажуваат на своите деца можат да влијаат на нивното растење и формирање како личност.
Што и да им кажеме во нивната најрана младост, обично останува и децата најверојатно тоа активно ќе го користат во комуникацијата со другите луѓе, најчесто со нивните врсници, а подоцна и со нивните сопружници или сопствените деца. Затоа е клучно да се знае што да се каже и кога да се каже, објаснуваат експертите. Од сите реченици, една е особено важна, а токму таа е онаа која повеќето деца сакаат да ја слушнат од своите родители. Таа гласи „Горд/а сум на тебе“.
Имено, секогаш е важно на нашето дете да му дадеме до знаење дека сме горди на него, без разлика што понекогаш не лути или прави нешто со што можеби не се согласуваме. Поентата е да детето знае дека, колку и да се труди, неговите напори ќе бидат препознаени од неговите родители.
Психолозите велат дека тоа на детето ќе му даде дополнителна мотивација и чувство на сигурност, како и самодоверба што му е потребна за еден ден да порасне во среќен и успешен возрасен човек.
