Постои генерално правило дека на децата, во зависност од возраста потребно е да им се сервира зеленчук 3 до 5 пати дневно. Препораките на стручњаците, базирани на возраста, полот и пирамидата на исхрана се значајно попрецизни.
- Бебе (по воведувањето на зеленчукот во исхраната) – 3-4 супени лажици, 1-2 пати на ден
- 2-3 години – 1 шолја зеленчук дневно
- 4-8 години 1 ½ шолја
- 9-13 години (девојчиња) – 2 шолји
- 9-13 години (момчиња) – 2 ½ шолји
- 14-18 години (девојчиња) – 2 ½ шолји
- 14-18 години (момчиња) – 3 шолји зеленчук на ден
Една шолја е еднаква на 2дцл. Една шолја суров или варен зеленчук и една шолја сок од зеленчук и две шолји суров зеленчук се смета за една шолја зеленчук.
Зеленчукот треба да биде главен дел од оброкот, што практично значи да го подобри изгледот на протеинската храна: риба, месо и живина, и да ја направи повкусна. Со варењето зеленчукот ја губи бојата, бидејќи магнезиумот во хлорофилот се заменува со водород. Зеленчукот треба да биде важен дел од исхраната на децата, бидеќи претставува одличен извор на витамини, минерали и диететски влакна. За жал, на многу родители им е тешко да ги натераат децата да го засакаат зеленчукот и редовно да внесуваат барем малку зеленчук, а уште потешко е тоа да биде секојдневно. Децата во текот на неделата треба да јадат разновиден зеленчук: темно зелен (брокула, спанаќ, блитва, зелена салата), портокалов (морков, тиква), мешунки и зрнест зеленчук (грашок, грав, пченка), како и друг зеленчук – карфиол, домати, целер, краставица, тиквички.
