Чоколадото е одличен извор на флавоноиди кои го намалуваат ризикот од болести на срцето и крвните садови, а го намалуваат и нивото на холестерол во крвта. Колку чоколадата е потемна, тоа подобро, бидејќи содржи повеќе флавоноиди.
Канадски научници откриле дека 30гр чоколадо дневно за време на бременоста придонесува за раст и развој на плодот. Претходни студии покажале дека чоколадото го намалува ризикот од намалување на доток на крв до плодот.
Во ова студија, канадските истражувачи од Универзитетот Лавал во Квебек следеле 129 бремени жени од нивното прво тромесчје до крајот на бременоста. На сите учеснички им бил проверуван протокот на крв во матката и во постелката, како протокот на крв кај фетусот. Дел од трудните жени добивале 30гр чоколадо дневно во период од 12 недели и тоа во периодот помеѓу првото и второто тромесечје.
Резултатите упатуваат дека чоколадото може да има позитивно влијание на посетлката и развојот на плодот. Научниците откриле дека тој индекс е многу подобар со умерено консумирање на чоколадо, многу поголем од оној што се очекува меѓу општата популација.
