„Се сеќавам на ерата пред вакцинирање, како дете бев испратен да одам и да си играм со пријателите кои имаа сипаници, заушки… Не сугерирам дека ова е јавно здравствено решение, но ако не се појави вакцина, можеби и ќе помислите на тој начин“,
Проф. Сер Дејвид Шпигехалтер
Родителите би можеле да им дозволат на своите деца да си играат со пријатели кои имаат коронавирус, така што ќе се заразат на возраст кога имаат низок ризик од смрт – доколку научниците не успеат да развијат вакцина, вели британски експерт.
Оваа идеја доаѓа откако студиите покажаа дека децата имаат повеќе шанси да бидат погодени од гром отколку да умрат од Ковид-19.
Британскиот статистичар, проф. Сер Дејвид Шпигехалтер открива дека кога бил дете бил испратен да се меша со болни пријатели, со надеж дека ќе биде заразен со морбили, заушки, овчи сипаници.
Сега статистичарот од универзитетот Кембриџ изјави дека родителите може да размислат да го сторат истото за Ковид-19 доколку научниците не можат да развијат вакцина.
Неодамнешниот извештај на Public Health England ја идентификуваше возраста како најголем фактор на ризик од смртни случаи на коронавирус. Така, инфицираните лица на возраст од 80 год. или постари имаат 70 пати поголема веројатност да умрат од оние кои се под 40 години, се вели во извештајот.
Само две деца на возраст од пет до 14 години починале од Ковид-19 во Англија и Велс, што е еквивалентно на едно на секои 3,58 милиони во таа возрасна група.
Но, ова скока на еден на 3.478 кога станува збор за возрасни на возраст од 45 до 64 години и еден на 55 за оние 90-плус.
Сер Дејвид, 66, изјави: „Се сеќавам на ерата пред вакцинирање, како дете бев испраќан да одам и да си играм со пријателите кои имаа сипаници, заушки… Не сугерирам дека ова е јавно здравствено решение, но ако не се појави вакцина, можеби и ќе помислите на тој начин“.
Таканаречените „сипаници-забави“ беа популарни во ерата пред вакцините, кога родителите веруваа дека болеста е помалку тешка во детството или едноставно сакаа „да ја надминат“.
Студиите покажуваат дека децата страдаат од помалку сериозни симптоми на коронавирус и се со помала веројатност да умрат од болеста. Исто така, се смета и дека помалку ја шират.
Кралскиот колеџ за педијатрија и детско здравје вели дека децата не треба да бидат намерно изложени на инфекции.
Владините упатства велат дека децата заразени со коронавирус треба да бидат изолирани со семејството дома. (The Sun)
