ПИШУВА:
М-р Нермин Теловска
специјалист за дисфлуентни нарушувања на говорот
ЈЗУ Завод за рехабилитација на слух, говор и глас – Скопје
♦♦♦♦♦♦♦
22 Октомври е Меѓународен ден на свесноста за пелтечењето. Тоа, варијабилно и се уште мистериозно нарушување на вербалната комуникација, се јавува во раната детска возраст и може да има најразлично траење, неколку недели, месеци или години, и за жал кај 1 % трае преку цел живот. Пелтечењето не е само нарушена флуентност на говорот, тоа резултира со појава на негативни емоционални и когнитивни реакции, кои се рефлектираат во однесувањето на лицата со пелтечење.
Поддршката од наставникот и соучениците придонесува ученикот кој пелтечи повеќе да комуницира, да биде среќен, сигурен во себе, и да се намали грижата и анксиозноста, која за жал често се јавува
Во периодот со пандемијата на Ковид-19, во посебно тешка ситуација се најдоа учениците кои пелтечат, од една страна поради стресот кој го предизвика пандемијата, од друга страна поради следењето настава преку електронски апарати, што оневозможува непосредна комуникација и фидбек од страна на соговорникот и слушателот на ученикот кој пелтечи.
Пелтечењето се јавува во раната детска возраст и може да има најразлично траење, неколку недели, месеци или години, и за жал кај 1 % трае преку цел живо
Освен стручниот и сериозен пристап на логопедот при третманот, поддршката која наставникот му ја дава на ученикот кој пелтечи, има огромно значење во надминување на можните последици од пелтечењето и во успешната примена на стратегиите за менаџмент на говорот. Поддршката од наставникот и соучениците придонесува ученикот повеќе да комуницира, да биде среќен, сигурен во себе, и да се намали грижата и анксиозноста, која за жал често се јавува.
Во оваа прилика е добро да се потсетиме за начинот на комуникацијата и однесувањето со ученикот кој пелтечи.
♦ Со ученикот кој пелтечи, треба да се зборува без брзање и со чести паузи;
♦ Невербално да му се покаже дека е разбрана содржината на пораката, без притоа да се дава значење на формата или течноста на говорот;
Поддршката која наставникот му ја дава на ученикот кој пелтечи, има огромно значење во надминување на можните последици од пелтечењето и во успешната примена на стратегиите за менаџмент на говорот
♦ Одлично е ако наставникот најде време за конверзација со ученикот кој пелтечи, еден на еден, особено за потребните удобности во училницата, при тоа да се почитуваат потребите на ученикот, но исто како и потребите на останатите ученици;
♦ Сите ученици треба да научат редослед во зборувањето и да сфатат дека пелтечењето не е нешто од кое треба тој што пелтечи да се срами;
♦ За пелтечењето треба да се зборува отворено;
♦ Од ученикот кој пелтечи се очекува еднаков успех во учењето како и од ученикот кој не пелтечи.
