Мајчиното млеко штити од коронавирус? Што вели науката…

Стручњаците се се поблизу до потврда дека мајчиното млеко навистина може да го заштити бебето од вирусот SARS-CoV-2.

Мајчиното млеко се нарекува магична напивка за здравјето на бебето. Тоа со своите антитела му помага на бебето во формирањето на имуниот систем, во борбата против алергии, како и во борбата против вируси и бактерии. Антителата се важен дел од имуниот систем и претставуваат одговор на човековото тело на “непријателите“. Кога вирус, бактерија или друга закана ќе го нападне телото, нашите крвни клетки произведуваат антитела за борба против инфекциите.

Здравствените стручњаци сметаат дека антителата од мајчиното млеко може да бидат главно оружје во борба против новиот коронавирус.

Проф. Ребека Пауел од Медицинскиот факултет во Њујрок го истражува присуството на антитела во мајчиното млеко кај жени кои биле изложени на КОВИД-19. Резултатите од истражувањето покажале дека типот на антитела во мајчиното млеко се многу “поиздржливи“ од антителата на човечката крв. Ова тврдење зборува во прилог на тоа дека мајчиното млеко би било соодветен вид на заштита против КОВИД-19.

Без оглед дали жената имала позитивен тест на вирусот или не, ако била изложена и моментално е здрава, тоа значи дека нејзиното тело можеби веќе почнало со акција на создавање на антитела. Тие антитела тогаш би можеле да се пренесат во мајчиното млеко за да го заштитат детето од болеста.

Проф. Пауел истражувањето го спровела, така што собрала 800 донации на мајчино млеко. “Ако утврдиме дека во млекото навистина постојат силни антитела, дали тие би можеле терапевтски да се користат за лекување на оние кои се навистина болни со КОВИД-19“, се прашува професорката.

Веќе е познато дека жените кои дојат произведуваат антитела за други вируси и дека тие се наоќаат во мајчиното леко за заштита на доенчињата.