Михаил Лабковски, психолог: Татковци, бањајте ги, пресоблекувајте ги, хранете ги вашите деца – не чекајте да наполнат 15 години за да изградите добар однос

Многу од денешните татковци пораснале без татко до нив. Некои татковци работеле, некои биле алкохоличари, некои биле незаинтересирани за децата, а некои спречени од традицијата… Денешниот татко поради тоа не знае како да биде татко. Немал добар пример. Меѓутоа, само вежбање е доволно. Нека поминуваат колку што е можно повеќе време со бебето па самото ќе им се каже

Пред да забремените, прво дознајте дали вашиот партнер е за деца и семејство и дали е подготвен за брак. Само во овој случај може да се потпрете на него и со него да ја споделите одговорноста околу децата: Михаил Лабковски, психолог
ПИШУВА:
Михаил Лабковски
психолог
(Михаил Лабковски е руски психолог познат по своите жестоки белешки за љубовта, животот и жените. Тој е психолог триесет години, а на неговите совети и коментари никој не останува рамнодушен: некои ги прифаќаат, а некои жестоко ги негираат)

♦♦♦♦♦♦♦

Во животот и во праксата сум запознал неколку добри татковци. Мажите не се предодредени да бидат добри татковци. За нив е тоа дури и малку неприродно. Они се поинаку направени! Татковскиот инстинкт е мит. Во секој случај, тие не се раѓаат со него, вели познатиот психолог Лабковски, а пренесува српски „Курир“.

Татковците ги сакаат децата со друштвена љубов: врзани се за нив затоа што им се постојано пред очите, затоа што минуваат време со нив. Дури и ако се принудени. Добар татко е производ на добра стратегија. Не е тешко да се омажиш и да родиш дете – најтешко е од мажот да направиш добар сопруг и татко.

Татковскиот инстинкт е мит, вели рускиот психолог Лабковски

Пред да забремените, прво дознајте дали вашиот партнер е за деца и семејство и дали е подготвен за брак. Само во овој случај може да се потпрете на него и со него да ја споделите одговорноста околу децата. Ако мажот не е подготвен, џабе ви е се. Потпрете се на себе и не сметајте на него – никогаш!

На крајот на краиштата, се зависи од жената!

Ќе ве потсетам на советот на стариот доктор Спок: „Кога ќе излезете од родилиште, ставете го детето во рацете на мажот и одете на маникир. Исцрпени сте? Не е важно, свртете се и посветете се на себе! “

Мислам дека ви е јасно што сакал познатиот педијатар да каже со ова.

Таткото и децата мора да имаат однос полн со љубов и разбирање, исто како што тоа го имаат децата и мајката. Таткото не смее да служи за заплашување на децата. Најлошата работа е кога од него ќе се направи „бабарога“

Зошто жените ги оддалечуваат своите сопрузи од креветчето на бебето со зборовите: „Овде сè мора да биде стерилно!“ или „Немој да го испуштиш бебето!“ или кога ќе се разбуди и почне да плаче: „Јас ќе го земам, само јас можам да го смирам…“

А потоа доаѓа мајка, баба, сестра, свекрва и сопругот не може да дојде до своето дете.

На тој начин се создава дистанца помеѓу таткото и детето што води кон отуѓување. Порано се веруваше дека таткото не е корисен во детската возраст од првата до третата година. Тоа значи дека ги пропуштил заспивањата, мазењата, првите чекори, првото возење со велосипед…

И кога детето ќе наполни три или пет години, моментот поминал. Таткото никогаш повеќе не може да се поврзе со своето дете.

Пресоблекување, капење, заспивање, нишкање, прошетка на бебето – сето тоа може да се прави заедно или наизменично

Често слушам од татковците: „Што да правам јас со бебето? Ниту зборува, ниту оди…“ Ќерката на Лав Толстој еднаш рекла дека славниот писател на своите деца им се обратил дури кога тие наполниле дваесет години! Вашиот сопруг не е Толстој, од вас зависи да направите добар сопруг од него!

Совети за мајките
  • Ако бебето не спие – нормално е човекот кој те сака да дојде до бебето и да се обиде да го смири. Најважно е да не го спречувате во тоа! Никогаш не ја отфрлајте понудената помош и никогаш не одговарајте: „Можам тоа да го направам сама!“
  • Вашиот сопруг мора активно да се вклучи во грижата за детето. Отфрлете ја сета друга помош, но вклучете го сопругот!

Некои татковци велат: „Јас заработувам, носам пари. Не можам уште и за децата да се грижам!Тоа се глупости. Самите сакале деца. Единствениот начин вашето дете да не израсне во невротик со недостаток на внимание и комплекси е покрај себе да има и татко и мајка

  • Капење – Без разлика колку сте способни, тато мора да ви помогне околу бањањето на вашето бебе.
  • Прошетка со бебето – едноставно кога тато ќе се врати од работа дома, дајте му го бебето и кажете му: Сега подготвувам вечера, ве чекам дома за два часа.
  • Едноставно кажано: пресоблекување, капење, заспивање, нишкање, прошетка на бебето – сето тоа може да се прави заедно или наизменично.
  • Остави го детето насамо со тато! Едноставно измислете некоја обврска: морам итно на преглед или на забар и сл. Нема ништо неодговорно и себично во тоа: запомнете – вие го воспитувате детето, го спасувате своето семејство и вашата заедничка иднина.
Ако бебето не спие – нормално е човекот кој ве сака да дојде до бебето и да се обиде да го смири. Најважно е да не го спречувате во тоа! Никогаш не ја отфрлајте понудената помош и никогаш не одговарајте: „Можам тоа да го направам сама!“
Изговори

Многу од денешните татковци пораснале без татко до нив. Некои татковци работеле, некои биле алкохоличари, некои биле незаинтересирани за децата, а некои спречени од традицијата… Денешниот татко поради тоа не знае како да биде татко. Немал добар пример. Меѓутоа, само вежбање е доволно. Нека поминуваат колку што е можно повеќе време со бебето па самото ќе им се каже.

Некои татковци велат: „Јас заработувам, носам пари. Не можам уште и за децата да се грижам!“ Тоа се глупости. Самите сакале деца. Единствениот начин вашето дете да не израсне во невротик со недостаток на внимание и комплекси е покрај себе да има и татко и мајка.

Вашиот сопруг мора активно да се вклучи во грижата за детето. Отфрлете ја сета друга помош, но вклучете го сопругот!

Најлошата работа е кога од таткото ќе се направи „бабарога“. Со него им се заканува на децата. И кога децата ќе „побеснат“, мајката вели: „Сега ќе го викнам татко ви!“. И децата веднаш ќе се смират. Тоа не е добро. Таткото и децата мора да имаат однос полн со љубов и разбирање, исто како што тоа го имаат децата и мајката. Таткото не смее да служи за заплашување на децата.

Уште една лоша работа кај татковците е љубомората! Кога ќе се роди бебето, тогаш 100 % од вниманието на мајката е посветено на него. Татко кој е емотивно неразвиен и несигурен ќе почувствува љубомора. Жената не смее да ја занемари улогата на сопруга, но, сепак, таа повторно мора да биде 100 проценти од своето време – мајка. Тоа не е лесно и единствено може да се постигне кога постои пријателски однос помеѓу сопружниците. Тогаш останува на мажот да ја согледа реално ситуацијата и да ја увиди својата грешка.

Татковците треба да бидат вклучени во сите активности околу грижата за бебето
Совети за татковци
  • Не стапувајте во брак или не правете дете ако не се чувствувате подготвени. Во краен случај би требало да имате желба за деца, па макар и некогаш во иднина!
  • Работете на себе: Научете како да давате и примате љубов, научете да ги изразувате своите чувства.
  • Ако сакате да имате вистински и добар однос со вашите деца, не чекајте да наполнат 15 години. Бањајте ги, пресоблекувајте ги, хранете го нивното тело и ум.
  • Научете да си играте со вашите деца.
  • Не ги одгледувајте децата да ги исполнуваат вашите очекувања. Не правете од нив актери, пејачи, пилоти, економисти само затоа што тоа било вашиот сон. Прифатете ги такви какви што се, а не какви што вие сакате да бидат.