Најмалку 50 проценти од инфекциите на коронавирус се предизвикани од луѓе без никакви симптоми на болеста

Заменик директорот за инфективни болести во Американскиот центар за контрола и превенција на болести (CDC) и водачот на истражувањето Џеј Батлер изјави дека резултатите од нивната студија одат во прилог на важноста на носењето маски и придржувањето кон физичката оддалеченост

За потребите на студијата, истражувачите ги класифицирале потенцијалните преносители на коронавирус во три групи: симптоматски, пресимптоматски (оние кои сè уште немаат симптоми, но ќе ги развијат) и асимптоматски
Дури и во најконзервативната проценка, во која врвот на инфекцијата е седмиот ден по изложувањето на вирусот, а асимптоматските пациенти предизвикуваат 0 проценти од инфекциите, пресимптоматските, сепак, предизвикале една четвртина од новите

Американските научници открија дека најмалку 50 проценти од коронавирусните инфекции се пренесуваат од луѓе без симптоми на болеста, објави стручниот магазин „Journal of the American Medical Association“, а пренесува „Business Insider“.

Заменик директорот за инфективни болести во Американскиот центар за контрола и превенција на болести (CDC) и водачот на истражувањето Џеј Батлер изјави дека резултатите од нивната студија одат во прилог на важноста на носењето маски и придржувањето кон физичката дистанца.

За потребите на студијата, истражувачите ги класифицирале потенцијалните преносители на коронавирус во три групи: симптоматски, пресимптоматски (оние кои сè уште немаат симптоми, но ќе ги развијат) и асимптоматски.

Резултатите од нивната студија одат во прилог на важноста на носењето маски и придржувањето кон физичката дистанца

Потоа развиле модел за тоа колку секоја група ќе го шири коронавирусот врз основа на денот кога се луѓето најзаразни. Како базна вредност го утврдиле петтиот ден од изложеноста на коронавирусот, бидејќи е утврдено дека тоа е просечно времетраење на инкубацијата. Тоа е време во кое повеќето луѓе развиваат симптоми.

Во повеќето од овие сценарија, се покажало дека луѓето без симптоми (асимптоматски и пресимптоматски) пренесуваат најмалку 50 проценти од новите инфекции

Во моделот првично биле вклучени претпоставки според кои 30 проценти од заразените се асимптоматски лица и според кои нивната количина на заразност е нешто помала (75 проценти) во споредба со оние кои покажуваат или ќе развијат симптоми.

Според овие претпоставки, резултатите покажале дека само асимптоматските луѓе се одговорни за 24 проценти од инфекциите.

Но, научниците исто така направиле и сценарија според кои врвот на инфективноста е на третиот, четвртиот, шестиот и седмиот ден, во кои го зголемувале и спуштале процентот на асимптоматски луѓе, како и нивната стапка на заразност во однос на другите групи.

Во повеќето од овие сценарија, се покажало дека луѓето без симптоми (асимптоматски и пресимптоматски) пренесуваат најмалку 50 проценти од новите инфекции.

„Стапките на пренос генерално беа повисоки од 50 проценти, независно од широкиот спектар на основни вредности“, рече Батлер, додавајќи дека и аналитичарите биле изненадени од доследноста на резултатите.