Истражувачите од Универзитетот Принстон откриле дека мерките на ограничување поради ширење на КОВИД-19 имаат нуспојава: пад на трансмисијата на респираторните болести за најмалку 20 проценти. Тие тврдат дека населението станува почувствително на болести; значајни испади може да се очекуваат во годините кои доаѓаат, а пикот би можел да биде следната зима, стои во заклучокот од објавениот научен труд.
Истражувачите известуваат дека нефармацевтските интервекции ( NPI) за КОВИД-19 како одржување на растојание, затворање на училиштата, ограничување на патувањата и употребата на маски во јавни простори, веројатно го намалиле пренесувањето на други респираторни инфекции во циркулацијата, како сезонскиот грип и респираторниот синцицијален вирус (RSV), зголемувајќи го со тоа уделот на почувствително население на тие инфекции.
Епидемиолошките модели сугерираат дека зголемената чувствителност може да доведе до големи епидемии на грип и респираторен синцицијален вирус по укинување на нефармацевтските интервенции. А за таков исход, здравствените системи ќе треба добро да се подготват, сметаат авторите.
Многу ендемски, директно пренесени, респираторни инфекции покажуваат различни сезонски и долгорочни циклуси на зачестеност. На сезоналноста на некои болести така влијае климата, додека други, како сипаниците, повеќе се јавуваат во време на училишните полугодија. Некои податоци за пандемијата на грип од 1918., сугерираат дека нефармацевтските интервенции го намалиле пренесувањето на сипаниците за 38 проценти.
Епидемиите на сезонски грип на главно се предизвикани со климатските промени. Иако постојат некои докази за колективен имунитет, сложената интеракција на наизменичните поттипови и антигени ја одредува разликата во осетливоста од година во година и влијае на размерите на избивање.
RSV пак предизвикува инфекции на долните дишни патишта кај новороденчињата и глобално е главна причина за речиси пет проценти од смртните случаи на деца помали од пет години; вакцина за оваа болест во моментов не постои. Како и грипот и респираторниот синцицијален вирус најчесто појавува во зима, во услови на студена и сува клима. Истражувачите откриваат дека мерките за ограничување на ширењето на SARS-CoV-2 веќе почнуваат да влијаат на пренесувањето на истанатите директно пренесени, ендемски болести.
Резултатите од истражувањето на научниците од Принстон сугерираат големи епидемии на заразни болести во наредните години. Засилениот надзор, серолошкото тестирање и локалното моделирање ќе помогнат да се утврди идната динамика и ризик од овие инфекции, заклучуваат авторите.
