Штитниците за лице во пракса и не не заштитуваат многу.
Новата студија е најновиот научен доказ за неефикасноста на пластичните штитници за лице во борбата против COVID-19.
Студијата објавена во списанието „Physics of Fluids“ вклучува и видео кое илустрира како кивањето од лице заразено со коронавирус ги носи заразените честички под штитникот за лице – визирот, со што таквата заштитна опрема е неефикасна во борбата против COVID-19, според наодите објавени од истражувачите на Универзитетот Фукуока во Јапонија.
Компјутерски генериран модел покажа дека при кивање, COVID-19 заразените честички поминуваат изненадувачка дистанца од околу еден метар.
Слични резултати добила и швајцарската влада при истражување на жариштата во хотел на Алпите, откривајќи дека луѓето кои носат само визир имаат поголема веројатност да се заразат.
Штитниците за лице – визирите не ги запираат заразените честички и не ги задржуваат на себе. Визирите се отворени на страните и на дното, што овозможува поминување на честичките. Овој вид на заштитна опрема всушност може само да даде лажно чувство на безбедност.
Затоа, препорачливо е да се придржувате до официјалните здравствени упатства. Најефективна заштита од коронавирус е заштитна маска и редовно миење на рацете, пренесува „Њујорк Пост“.
