Таткото и неврохирург Рахул Џандијал открива на што навистина би требало да се фокусираат родителите кога станува збор за здравјето на мозокот на нивните деца. Тој е татко на три деца, па, како што објаснува, целосно ја разбира грижата на родителите кои често не знаат на што да обрнат внимание кога е во прашање зачувувањето на здравјето на мозокот на нивното дете. Тој се фокусира на неколку работи.
Прво, Џандијал открива колку е важно да водиме сметка за тоа што јадат децата. Имено, многу истражувања покажале дека токму храната што ја јаде детето влијае на неговиот ум и мозок. Негова препорака е секое дете да јаде редовно овошје и зеленчук, но и риба најмалку два пати неделно.
„Лично, секогаш се трудам да се осигурам моите деца да јадат овошје, зеленчук и риба што е можно почесто. Антиоксидантите во овошјето и омега-3 масните киселини во масната риба се клучни состојки за здравјето на нивниот мозок“, објаснува тој.
Покрај храната што ја јадат, неврохирургот предупредува дека на развојот на мозокот големо влијание имаат и екраните. Како што објаснува, никогаш не се обидува целосно да ја отстрани изложеноста на своите деца на екраните бидејќи тие често ги користат за да завршат некоја домашна задача, добиваат задачи преку е-пошта и гледаат едукативни или интересни содржини. Сепак, до одредени ограничувања се придржува.
„Се трудам да поминат барем еден или два часа пред спиење без никакви екрани. Имено, тоа време без користење на мобилен телефон му овозможува на нивниот ум да талка без инхерентно управување што се случува кога содржината се пренесува во нивниот ум преку екранот. Тоа исто така помага и при спиењето“.
И последно, но не и најмалку важно е колку децата се забавуваат во текот на денот. Тој тврди дека не сака да одгледа роботи кои се само посветени на работата, но исто така не сака и неговите деца да бидат луѓе кои не прават ништо. Иако и двете опции се можни, доколку една од тие опции недостасува, можностите за личен и психолошки раст се намалуваат. „Важно е да се работи напорно, но и да се забавува“, објаснува Џандијал.
