Неколку недели стручњаците од светот, па и Светската здравствена организација предупредуваат на појавата на синдром на токсичен шок, т.н. синдром на мултисистемско воспаление кај децата. Голем број деца кај кои се јавиле овие симптоми, а кои се многу слични со Кавасаки болеста, биле позитивни на коронавирусот или го прележале.
Една мајка од Западен Јоркшир ги предупредила останатите родители на симптомите на оваа болест, откако нејзиниот петгодишен син закрепнал од оваа сериозна состојба.
Уште на почетокот на април, момчето имало зголемена температура и суво грло. Оваа состојба била проследена и со недостаток на енергија и апетит, па лекарите претпоставиле дека антибиотиците ќе бидат доволни.
Сепак, една недела подоцна, состојбата на момчето се влошила, тоа почнало да халуцинира и телесната температура достигнала 40 степени, со 169 отчукувања на срцето во минута. Хана Филд и нејзиниот сопруг Лук брзо отишле во болница, бидејќи детето воопшто и не можело да стои на нозе.
Тестовите од крвта покажале дека имало воспаление на срцето, бубрезите и на цревата, па му е дијагностицирано мултисистемско воспалние. Му биле направени и два теста за коронавирус, и двата биле негатовни. Момчето било лекувано како да има Кавасаки синдром.
“За среќа се опорави. Сакам луѓето да бидат посвесни и да го следат детето, бидејќи за оваа состојба се уште ништо не се знае“, изјавила мајката Хана.
Додека едни стручњаци оваа состојба ја поврзуваат со коронавирусот, други пак тоа го оспоруваат.
