![19](https://pedijatar.mk/wp-content/uploads/2024/06/19-2-696x464.jpg)
Често може да слушнете коментари упатени до трудниците: „Па, тебе стомакот воопшто не ти се гледа“ или „Огромен ти е стомакот“. Но, трудниците баш и не уживаат некој да коментира за нивниот стомак, бидејќи тие и онака не влијаат на неговата форма или големина. Обликот на стомакот главно зависи од телесната градба на секоја трудница.
Мајка со поситна градба
Ако сте ситни и со нежна градба, детето нема толку простор за движење како кај жените кои се со посилна телесна градба. Затоа, стомаците на поситните мајки се видливи порано и се истурени понапред.
Мајка со тесна карлица
Кај жените со тесна карлица, детето пред крајот на бременоста не може да се смести да главата му биде на дното на карлицата. Затоа стомакот останува високо и расте кон напред.
Мајка која има искривен ‘рбет
И држењето на мајката влијае на обликот на стомакот! Кај жените кои имаат искривен ‘рбет, стомакот автоматски се поставува кон напред и на тој начин изгледа поголем.
Мајка која тренира
Ако стомачните мускули се цврсти, а жената е во добра форма, стомакот нема да биде толку видлив како кај жена која не е фит. Но, важно е и колку плодова вода го опкружува детето. Таа варира од 300 до 1500 мл, па разликата секако се одразува и на големината на стомакот.
Мајка која веќе се породила
Кај жените кои веќе се породиле, стомакот ќе биде понизок, но и позаоблен. Имено, бременоста ги растегнува мускулите на матката, стомачните мускули и целото абдоминално ткиво. Поради ова, ткивото на жената што родила никогаш нема да биде цврсто како пред нејзината прва бременост.