![4](https://pedijatar.mk/wp-content/uploads/2024/05/4-4-696x522.jpg)
Веројатно сте слушнале колку е дарежлива политиката за родителско отсуство во Шведска. Родителите во таа земја добиваат дури 480 дена платено отсуство, кое можат да го поделат, додека 90 дена се непреносливи на мајките, односно важат само за татковците. Но, тоа не е единственото нешто што ние самите би сакале да го имаме на располагање. Еве уште осум начини на воспитување кои вреди да се копираат од оваа нордиска нација.
Отспијте на отворено (без оглед на времето)
Иако во Шведска е студено, тоа не ги спречува мајките и татковците во оваа земја да ги оставаат своите бебиња да спијат во колички на температури под нулата. Се верува дека децата на овој начин спијат подобро и дека свежиот воздух е добар за нив. Швеѓаните ги оставаат децата пред кафуле додека пијат кафе на топло.
Рамномерно поделете ги родителските должности
Освен што добиваат 480 дена родителско отсуство, кое веќе го спомнавме, родителите во Шведска добиваат и таканаречен бонус за родова еднаквост, односно малку повисока плата доколку рамномерно ја делат грижата за бебето.
Играјте надвор секој ден
Швеѓаните велат: „Не постои лошо време, само лоша облека“. Во училиштата во таа земја од децата се очекува да излегуваат надвор и да си играат надвор секој ден, без оглед на временските услови. Свежиот воздух се смета за витален за развојот на детето, како и валкањето во калта, што е добро за имунолошкиот систем на детето.
Петок е ден за семејството
Сте слушнале за hygge, но дали знаевте дека Швеѓаните имаат своја верзија на удобност наречена mysigt? Петок е врв на удобноста и се нарекува Fredagsmys. Тогаш семејствата се пикаат под ќебе, палат свеќи, гледаат филм заедно и јадат грицки и слатки.
Прифатете ја градинката
Бејбиситерите се реткост во Шведска, а повеќето семејства ги запишуваат децата во градинки кога ќе наполнат една година. Овде се очекува децата да го поминуваат поголемиот дел од своето време играјќи, што е главниот фокус на шведскиот образовен систем. Помага тоа што државата ги субвенционира градинките во Шведска.
Не размислувајте премногу за полот
Забавите со откривање на полот не се во мода во Шведска. Скандинавските родители се трудат да не ги ограничат децата на општествените очекувања врз основа на полот. На пример, во училиштата работат советници за родови прашања, а во Стокхолм има дури и родово неутрална предучилишна установа. Во јазикот е воведена безродова заменка „hen“.
Опуштете се околу распоредот
Шведскиот стил на воспитување не подразбира многу воннаставни активности. Распоредот на децата во оваа земја не е преполн со часови за фудбал, тенис, пијано или танц. Наместо тоа, поентата е да ги оставите децата да се забавуваат и да играат на отворено.
Нема физичко казнување
Шведска беше првата земја во светот која забрани тепање и каква било форма на физичко казнување во 1979 година. Наместо тоа, родителите ги дисциплинираат своите деца разговарајќи со нив.