Доктор по интерна медицина, долгогодишен претседател на Комитетот за надарени на меѓународното здружение Менса и соработник на УНИЦЕФ на проектот за рана стимулација на интелектуалниот развој на децата и основач на Менса Србија, Ранко Рајовиќ, откри која физичка активност е одлична за физичкиот развој, расположението, развојот на социјална и емоционална интелигенција, како и за развојот на мозокот кај децата.
Станува збор за балет.
„Балетот има ротација, музика, ритам. Постојат одредени моменти кога нешто мора да се направи, детето мора да размисли. Тоа е всушност најдобриот можен тренинг за дете во развој“, вели тој.
Освен на балет, додава тој, детето може да се запише и на танц или дури и на фолклор.
„Нешто што нуди некаков вид на движење, но да изгледа како игра. Додека свири музиката, тие веќе имаат приказна во главата за тоа што да прават. Тоа е вистинската работа“, нагласува д-р Рајовиќ.
