Начинот на кој родителите го воспитуваат детето влијае на неговиот понатамошен раст и развој, но и успех. Како што објаснуваат терапевтите, одредени реченици кои ги користат можат сериозно да му наштетат на нивното малечко, а една од тие фрази е „пази“. Иако е разбирливо дека родителите се загрижени за безбедноста на своето дете, понекогаш можат да претераат, а оваа реченица често прави повеќе штета отколку корист, пренесува Lifehack.
Иако навидум нема ништо лошо во тоа и родителите првенствено ја користат оваа фраза со најдобра намера, таа наводно не дава позитивни резултати.
Терапевтите нагласуваат дека доколку родителите постојано го користат изразот „пази“, детето се чувствува дека тие не му веруваат на неговите способности или дека постојат одредени опасности кои само возрасните можат да ги видат. Кај детето тоа може да доведе до развој на стравови, но и до губење на вербата во себе.
Освен тоа, без никакви детали или упатства, детето не знае зошто воопшто треба да биде внимателно. Потребно е да му објасните на што да внимава и зошто. Терапевтите тврдат дека, без точни објаснувања, детето би можело да почне да перцепира сè како закана. Изјавата „пази“ употребена без детални инструкции детето може да ја протолкува како предупредување да внимава на сè околу него.
Ќе мисли дека апсолутно се околу него е потенцијална опасност, поради што може да стане параноично. Исто така, истражувањата покажале дека децата чии родители постојано ја користат оваа фраза се занимаваат со помалку физички активности поради можноста за повреда. Тие ретко излегуваат од нивната комфорна зона бидејќи тоа е премногу страшно за нив, додаваат терапевтите.
