ПЕДИЈАТРИТЕ ОДГОВАРААТ: Може ли настинката да предизвика компликации кај детето?

Во есенските и зимските месеци, најчестата причина за посета кај педијатрите е зголемената секреција и затнатост на носот и благо зголемена телесна температура. Овој збир на симптоми најчесто се нарекува настинка.

Што е настинка и како се појавува?

Во есенските и зимските месеци, најчестата причина за посета кај педијатрите е зголемената секреција и затнатост на носот и благо зголемена телесна температура. Овој збир на симптоми кај нас најчесто се нарекува настинка. Ова е најчестата инфективна болест кај децата. Најчестите причинители за настинка се вирусите. Се пренесуваат по капков пат и затоа овој вид на инфекција и најчесто е присутна кај децата во колективи.

Кои се симптомите на настинка кај бебето?

  • Течење од нод
  • Затнат нос
  • Отежнато и звучно дишење на нос, проследено со повремено ‘рчење
  • Губење на апетитот и отежнета исхрана (особено кај бебињата)
  • Кашлица со искашлување
  • Зголемена телесна температура до 38 степени
  • Пореметување на општата состојба (вознемиреност, поспаност)

Колку долго може да трае настинката?

Симптомите на настинка кај децата обично се присутни 5-7 дена. Што ќе се случи по обична „настинка“ кај бебе и мало дете, првенствено зависи од имунитетот на детето и патогеноста на предизвикувачкиот агенс. Од искуство се знае дека повеќето деца ја фазата на назална хиперсекреција брзо ја поминуваат без значајни тегови, некои деца остануваат “растечени” подолго време без други тегоби,  додека кај трета група деца се развиваат сериозни клинички слики на инфекција на горните респираторни патишта со бактериска суперинфекција.

Дали треба веднаш да одите на лекар?

Ако станува збор за бебе на возраст до 6 месеци, веднаш треба да контактирате со педијатарот за понатамошни совети, особено ако бебето дотогаш не било болно. Ако детето освен назална секреција (течење на носот), затнатост, има и други тегоби, задолжително консултирате со вашиот лекар.

Дали и кога може да се појават компликации?

Компликациите од обичната настинка се јавуваат почесто, колку е помладо детето и колку е послаб имунитетот на детето. Инфекцијата најчесто се шири во околните регии: Евстахиева туба, уво, грло, бронхии … или е можна бактериска суперинфекција. Поради овие компликации, важно е детето да се однесе на време на лекар.

Дали е потребен брис од грло и нос?

Брисот од носи грло треба да се направи исклучиво по совет на педијатар и тоа во ситуации кога настинката трае подолго од предвиденото или не реагира на пропишаната терапија.