Јазикот што го користиме со нашите деца, дури и кога се мали, е дел од нивниот развој. Д-р Колин Рајхман, која е мајка и психолог, стана вирална на Инстаграм откако сподели пет фрази што ги користи во разговор со своите деца. Тие се:
- “Ти верувам.”
- „Жал ми е, мама направи грешка“.
- „Ти благодарам што го сподели тоа чувство со мене.
- „Тоа навистина болеше, нели? Во ред е да плачеш, ни јас не сакам да бидам повредена“.
- „Секако, можеш да добиеш уште храна“.
Рајхман во воспитувањето се води по принципите на нежно родителство, популарна техника меѓу актуелната генерација родители. Некои сметаат дека овој стил е премногу попустлив и дека е насочен исклучиво кон детето, но не и кон родителот.
„Вистинската моќ на нежното родителство е добро да се однесувате со вашето дете, да се поврзете со него и да се грижите да ги регулирате сопствените емоции за да можете подобро да му помогнете на вашето дете да се справи со своите. Како и сè, тоа е напорна и исцрпувачка работа, но на долг рок се исплати“, објаснува таа.
И децата се луѓе, и ако сакаме нашите да прераснат во отпорни, емоционално стабилни возрасни личности, мораме кон нив да се однесуваме со почит и да ги научиме да не почитуваат нас и другите во тој процес. Запомнете, вашето дете гледа сè што правите и ќе ги пресликува вашите зборови и постапки. Значи, како што вели старата поговорка, однесувајте се со другите онака како што би сакале да се однесуваат кон вас.
