Причини зошто децата одат на прсти

Одењето на прсти е навика која се развива кога детето учи да оди. Во неколку случаи, ова пореметување може да биде предизвикано и од други здравствени состојби.

Одењето на прсти е често пореметување кај децата кои штотуку почнуваат да проодуваат. Повеќето деца го надраснуваат одењето на прсти. Децата кои продолжуваат, најверојатно тоа го прават од навика. Се додека детето расте и се развива нормално, одењето на прсти може да биде причина за загриженост.

Пореметувањето често е резултат на церебрална парализа, мускулна дистрофија или друга болест на мускулите и нервите. Децата со аутизам, исто така може да одат на прсти, но во мал процент.


ПРИЧИНИ

Одењето на прсти е навика која се развива кога детето учи да оди. Во неколку случаи, ова пореметување може да биде предизвикано од нешто, а најчести причини се:

Кратка Ахилова тетива – тетивата која ги поврзува мускулите на потколеницата со задниот дел на коската на петата. Ако е прекратка, може да спречува петата да го допира тлото.

Церебрална парализа – пореметување на движењата, тонус на мускулите или состојба која е предизвикана од повреда или лош развој на  незрелиот мозок, најчесто пред и околу раѓањето.

Мускулна дистрофија – генетска болест при која мускулните влакна се необично чувствителни на оштетувања и слабеат со тек на времето. Оваа дијагноза е поверојатна, ако детето одело нормално, пред да почнало да оди на прсти.

Аутизам – комбинација на пореметувања кои влијаат на детската способност за комуникација и интеракција со останатите.

При посетата на педијатар, задолжително кажете му на лекарот за одењето на прсти кај детето. Не одложувајте, доколку пореметувањето е проследено со недостаток на координација.